2008年4月30日 星期三

絲花花球

今日終於收到個絲花花球啦! 係我係網上訂架! 用黎下個月影婚紗相用架!




2008年4月29日 星期二

屋企水浸

今朝好常地起身, 一落床就跌了一下, 幸好我扶住了, 一望真D, 嘩! 仲咩野間房有水架, 再走出廳見全屋都浸晒水呀! 我大叫"水浸呀, 水浸呀" 沒有人應我, 佢地以為我發開口夢...

我順著聲音走, 起初以為是洗衣機漏水, 但沒有水呀! 我聽到那聲音是從碗櫃傳出來, 我便打開門一看, 只見有一大水柱, 我立即關上門  叫多幾次, 阿妹同阿媽先走出黎... 我叫阿媽立即關大制, 之後我們三個便各自分工, 盡快整走水... 原來我間房係低窪地區, D水湧晒入我房  阿媽不停用垃圾產產走我房D水, 我就用吸水拖, 一吸一拉, 吸走大量水, 我見D水未浸到電視櫃, 個鋼琴都係濕左少少, 我就叫阿妹就用布擋住D水, 唔好比佢範圍擴大 我地係咁吸呀吸呀, 吸左半個鐘, 終於吸走晒D水啦...

正想番工個時先記起唔可以開水制, 所以我同阿妹只好換好衫走過晴晴個邊刷牙洗頭...  攪完一輪, 好累呀! 番到公司十點幾啦! 下午再打比阿媽問情況如何, 爸爸已經換左氣喉, 同埋好在櫃底唔係好濕, 因為前面放左一大堆紙袋, 吸左唔少水

2008年4月27日 星期日

我們的婚介

今日男朋友有急事上左大陸, 我一個人去左荃灣學車, 今次好叻呀, 揸得唔錯, 希望下個月一take過啦  之後我一個人去pink box 拎介子, 一對屬於我和他代表永恆的介子




2008年4月26日 星期六

証婚場地 - 2in1

全個婚禮我最著重的就係註冊的一刻, 對著我所愛的人說我願意, 訂下一生一世的承諾  我夢想的婚禮都是西方的那種簡單而又莊嚴的氣氛下舉行, 我第一個想到的地方就係花園証婚, 像黃金海岸或者是disneyland那種, 但價錢太貴了, 地點又不太方便... 至於教堂, 我們沒有受洗, 所以沒機會了... 註冊處... 不行呀! 我去過一次太趕了! 後來上esd才知道有伊甸園的証婚公司, 不過太多bad comment啦... 幸好最近開了兩間新証婚公司, 一間叫緣美傳說, 另一間叫2in1

我地第一次去的就是位於美麗華附近的緣美傳說的一個以白玫瑰教堂為主題的禮堂, 第一眼望入去, 好舒服, 好靚... 可能是商業大廈關係, 位置不太好, 少了影相的地方...  之後我地又去左位於尖沙咀中心的2in1, 看了一個以城堡為題的禮堂, 感覺不同了, 多點顏色, 童話式的... 嘻嘻... 正符合發公主夢的我, 加上禮堂比較大, 男朋友又鐘意, 做完証婚又可以過對面海旁影相, 所以我地都即時book埋....

又完成一樣啦.. yeah!




2008年4月23日 星期三

Pre-Pre-Wedding Photo

今日下午四點正我同南南準時去到現代經典位於葵芳的影樓試影和選婚紗... 第一次入去的感覺係無尖沙咀門市咁靚, 不過都尚算整齊清潔... 首先佢比左三本相簿我睇衫, 一本係婚紗, 一本係晚裝, 仲有一本只係少少婚紗... 睇左一陣, 款式好似唔多岩心水, 外租婚紗明顯係靚好多, 但係比左錢點都要搵三件出黎影相用...好在試左上身都有一件係岩我style, 另外兩件就一般啦, 希望到時影左出黎ok啦... 好多人都問試影係咩黎, 係個sales送比我地玩架...其實即係著便服係個studio到試影十多張, 拎下角度, 睇下點樣企同笑... 唔知係未我唔夠瞓, 塊面好腫好肥呀! 皮膚又乾, 個妝好似好厚唔貼面呀! 番到屋企, 我唔敢偷懶, 卸左妝之後好乖咁做晒d護膚程序, 希望到時靚靚啦!

2008年4月19日 星期六

擇日&睇場

其實book左酒席之後我地都無正式去睇過個場, 一黎無時間, 二黎睇過d相覺得應該都ok, 我仲諗住係埋個度証婚... 點知今日一上到去, 好細呀, 唔係我想像中個種feel, 唔知係未開水晶燈, 好似差左少少, 加上行禮個條路會比較窄, 分分鐘我條裙都過唔到... 所以想了一會, 我決定要找過另一個地方証婚...為自己留下一個難忘而又美麗的一刻...


另一樣我擔心的問題就係擇日啦, 擇日同book酒席應該要預上一年時間, 但現在先黎處理這個問題... 雖然自己唔係一個大迷信, 但傳統上而又簡單可做的我都希望可以做足, 話晒都係婚姻大事, 到係想長長久久, 白頭到老呀! 結婚日期其實都係我自己拎住本通勝見到宜嫁娶, 又係星期六, 又唔沖我地, 咁就要左個日啦... 今日終於得閒去左搵人擇日, 好在個師傅話雖然個日唔係最好但係都無問題唔沖我地任何一個, 不過最唔好就係我個日吉時唔係咁多, 上午七時至九時就係我出門的時辰啦, 嘩好早呀!

真係到時麻煩晒d兄弟姊妹啦!

2008年4月17日 星期四

感動的一幕

一個人在網上亂CLICK, 一邊想婚姻是什麼  無意間看到這對新人的行禮片段, 我竟感動得流淚, 兩個人因為彼此相愛而結合  未看這片前我還以為做個SHOW, 開個PARTY就完了, 但看著他們, 我明白什麼叫愛, 我也第一次感受到愛, 我也第一次可以肯定的對他說: 我愛你... I DONNO HOW TO USE THE WORDS TO DESCRIBE HOW I FEEL, BUT I DO KNOW THAT I CAN FEEL THE LOVE SO STRONG IN MY HEART 我期待我和他行禮的一幕





2008年4月16日 星期三

二人三足

相信許多人對二人三足這種兒時玩意並不陌生, 似簡單但卻又很講求遊戲中兩人的彼此合作才能順利到達終點   若是兩人的步伐不協調, 速度不一, 方向不同, 都會令其中一方容易跌倒  就在這時候, 另一方會第一時間扶他一把, 然後找出解決辦法繼續路程, 還是怨聲載道, 責罵對方的不是? 被怪責的一方會選擇起身向前走還是解帶離場

兩個人相處就像是玩二人三足, 繫在足上的繩帶就好比彼此間的承諾

為了承諾, 我們不斷付出, 縱使是二人三足, 路途上不斷跌跌碰碰, 但仍希望可以彼此結伴終老

2008年4月15日 星期二

試妝@SUMSUM 2

SUMSUM好叻架, 用手指點兩點就轉左眼影啦, 加左條辨仔同花花就轉左做晚妝啦




夾留上去先, 再換過另一隻毛毛花, SUMSUM整架, 好SHARP呀! 又係另一個LOOK, 得唔得呀? 後面個個就係SUMSUM啦, 好NICE架! BD有你係度我好放心...




變身先, 呢個先係我呀! 哈哈, D 頭髮幾鬼短,  我要留長D...長D呀!




2008年4月14日 星期一

獨腳戲

我知道佢平時多野做, 加上婚禮事女仔當然會落力D同緊張D, 我唔介意自己花多少少時間做RESEARCH, 比佢做FINAL DECISION... 不過.... 我一提佢急事時, 佢就會串我...話佢會自己一個人攪掂  其實我係想佢比D意見, 幫下我手做下決定, 但係佢就好睇唔起我, 認為我過份緊張, 安慰的說話沒有, 卻換來大聲的責罵 我做了張時間表, 寫左BD前要做的事, 每次UPDATE完都會SEND比佢睇, 等佢睇左就會安排下幾時先做...  因為之前我未整個時, 又話我安排得D行程密, 無時間休息... 咁我唯有叫自己放慢腳步, SEND個表比佢自己安排, 但佢又好似無咩點睇... 我以為可以兩個人一齊努力, 不過.........好似做到係我迫佢咁....

4月有好多野要做, 好似...4月8日要去試衫, 去之前應該要睇下個場, 但係問左好多次結果都係無去過, 我好難搵衫..... 試完衫落單個時SALES講幾時要做咩, 我諗佢一句都無記住啦, 睇怕連佢自己幾時租禮服唔知...

4月9日要去第一次試妝, 自己一個人上去試, 叫極都唔黎, 話多野做, 雖然做完野都有打比我問黎唔黎, 我最後都無迫佢黎, 反正我好姊妹DAGNY趕OT都要搭的黎陪我夠啦...個日試妝好失望, 一黎MUA都唔得, 二黎男朋友唔陪我 (係兩個人的事, 唔係我一個人的事)

4月10日急買GIRDLE, 之後仲去左旺角仲買左對褂鞋... UM... 我自己一個買褂鞋!

4月13日去SUMSUM試妝, 我知佢上午要拜山好累, 但係我約左試妝, 好想佢去幫下眼, 我又唔知自己邊樣岩我.... 唉... 佢唔係好CARE我個日會係咩樣... 不過好彩, DAGNY百忙中都抽空陪我, 多謝你呀! 中途, 男朋友先上黎, 但係係打NDSL

今日同事傾開話1月有D人會唔得閒, 要預早少少時間搵定人幫手... 咁我提佢啦, 佢好串咁話係我無FRIEND, 佢大把FRIEND....... UM.... 好心提下姐, 唔使咁呀....... 再提佢要HOLD攝影師, 又話遲D... 咁幾時呀, 問幾時睇場呀, 遲D... 問有無睇SCHEDULE安排下幾時做, 無WOR, 話我要POINT OUT邊樣急, 要安排好叫佢做..... 我感到像遊花園... 我安排好, 佢又話我安排得密, 我比SCHEDULE你去安排, 你又叫我POINT OUT 急事, 我每次催多幾次急事, 又罵我, 又話自己唔知....

唉... 我嘗試用唔同方法配合佢PREPARE婚禮, 但係佢話我有我做佢有佢做, 唔好理佢... 啊, 婚禮係兩個人, 唔係應該一齊商量咩? 我知佢好唔認同我做法, 我遇到問題想佢比意見, 多數都係比佢罵, 我覺得佢好睇唔起我, 我好傷心... 做左個SCHEDULE又唔跟, 提佢急事又比佢罵, 我唔知點做呀!

我只係提出HOLD左攝影師都吵啦, 仲有花球, 婚介, 試衫都未問佢幾時得閒...  我開始唔敢問啦... 唔知點開口問啦.. 唉....

我盡量記下所有要做的事, 一個急一個唔急, 我感到有少少壓力, 因為我有好多野擔心, 婚前恐懼?? 不過佢話"抵你"架, 你自己挪黎.... (竟然唔係安慰, 係由一個同我結婚的人講) 

試妝@SUMSUM

星期日去左SUMSUM度試妝, SUMSUM好叻呀, 好快就同我化好妝, SET好頭, 我D頭髮咁短都SET到, 等我仲好擔心SET唔到TIM, 不過我黎緊呢一年都要努力留長頭髮, 到BD個日先可以有多D造型

婚紗LOOK




晚妝LOOK




2008年4月10日 星期四

褂鞋

今日放左工同媽咪去左尖沙咀私人胸間買GIRDLE, 好彩個SIZE岩我著, 唔使改, 仲好抵, 只係二百元... 下個星期可以帶去試婚紗LU

之後見一場黎到, 就搭左MTR過旺角有利睇鞋, 本來都係睇下, 不過見到LE對褂鞋都唔錯, 又唔係太高, 所以就即刻買啦, $65




星期日就試妝啦, 希望可以快D搵到個岩架啦, 咁就唔使煩啦!

2008年4月7日 星期一

愉快心情

今日心情很輕鬆愉快, 咀角掛著一絲微笑...

六點多回家途中, 看見了溫暖的夕陽, 拿出了相機, 隨意的拍了幾張...




唔知幾時可以又去旅行呢? 最快都要出年, 度蜜月呀!  去邊度先最浪漫同難忘呢?




雖然回家的路程長, 但比起住市區的人多一分機會欣賞這美麗的景色




2008年4月5日 星期六

健康晴晴

今日去左大圍睇dr tiger, 做左個詳細的body check, 哈哈.... 晴晴好健康呀, 牙仔無事wor, 又唔太肥, 又唔太瘦, 一個字 "fit" 呀!