晴晴牌麵包

焗蛋糕就試得多啦, 麵包就第一次! 年三十晚放下午, 一收工就第一時間走去二記入貨, 番到屋企就刨晒阿媽本麵包書, 希望可以一得閒就試下整包包啦!

今日年初三 - 赤口, 不適宜拜年, 咁我就整包包啦!   搓下, 拉下.... 一邊搓就一邊懷疑自己有無整錯   等左幾個鍾終於入得爐啦!

睇下發得好大個呀!

登登登登..... 晴晴牌麵包出爐啦.....

撕開黎睇下先... 究竟係未石頭包呢? 哈哈... 好軟熟呀! 我地即刻食左六個

好開心呀, 第一次就整到個包包啦! 聽日試下加d餡先....

食左幾個包, 水都未得閒飲就趕住去睇"長江7號"