晴晴我番黎啦!

星期一大約六點半到港, 我個心就只係掛住晴晴, 好想第一時間接晴晴番屋企, 想攬實佢. 我同南南兩個為左趕係兔協九點關門前接回晴晴, 就急急腳咁拎行李, 但係番到屋企都已經八點十分啦, 平時搭巴士出旺角都成個鐘啦, 不過我又好掛住晴晴, 我地都跑去搭西鐵. 途中想話打個電話比兔協叫佢地等埋我地, 我地應該會九點左右先到, 點知張收據無聯絡電話, 試下打去1083問又無登記.. 唉!

晴晴一定係度望住個門口等緊爸爸同媽媽: 媽媽, 快d啦, 我好驚驚呀!

唔怕, 媽媽黎緊啦, 我一定趕到架! 等我呀晴晴!

八點五十三分, 終於出左旺角地鐵站啦, 我同南南兩個各有各跑, 晴晴就係呢兩條街次後, 上樓梯都無力啦.. 到啦.. 好彩岩岩人地仲汁緊野.. "唔該我想接晴晴走呀"
等左陣入到去間房, 打開個袋(因為入錯袋),晴晴... 佢好緊張, 我抱佢佢就係咁向前逃, 我輕輕捉住佢隻手仔, 不停咁叫晴晴, 叫左幾次, 佢望我一眼, 終於認得我啦.. 我攬實晴晴豬.. um... 晴晴.. 鍚鍚先啦.. 掛死人啦...

15 Dec 2006 - Korea(Yan Chuen)

Now is 21: 43 in Korea - "Yan Chuen" (1 hr ahead HK), just very "mo liu" in hotel. And luckily i find a computer can read chinese, but can't type in chinese.
I tried "Sand Skiing" & "Grass Skiing" before and this morning i played (Snow) Skiing in Phenix Ski in Korea. And i hurt my "pat pat" cause a "A Chu Ma" (Korean language means married woman) hit me from my back. Shit!
I miss "Ching Ching" very much, now she has been taking care by the HKRS. Donno what she is doing now, eating grass or drinking water or standing on top of the box and waiting me back. What a pity! Will she recognise me or not?

安樂死的真相

好恐怖呀, 岩岩係yahoo到search下睇下有d咩睇下,點知係人氣榜到search到le段討論, 係關於動物安樂死的真相其實一d都唔安樂, 只係比佢地係痛苦同驚嚇中死, 睇到一半我都唔忍心再睇啦, 好不人道呀! 其實動物同樣都係有生命, 大家都係生存係同一個地球上, 點解人類要咁自私同自大, 口口聱聱話要維護, 愛惜地球, 係另一個地方卻有人用種種不同的藉口濫殺動物. 那些兇殘的, 毫無半點惻隱之心的人類, 你地試想想如果掉轉角色你一出生就要不斷逃避被人類獵作食物, 又或者因失寵被人遺棄街頭, 受盡飢寒交迫, 最後卻落得如此不人道的下場, 你又會點呢?

http://www.hksune.com/discuz/viewthread.php?tid=10824&fromuid=3

十二月九日 (日)

今日的感覺總是怪怪的. 事事都力不從心, 本來想整個芝士蛋糕比南南食, 但係舊芝士拎左出黎之後過左一陣我又唔想整又放番入雪櫃. 想準備晚餐比南南食, 結果都係去左樓下間吉野家醫肚. 個人又病病下咁, 食一次藥又好一陣,藥力一散又黎過, 透唔到氣好辛苦, 睇左三次醫生都唔得, 我最怕就係食藥架啦. 最想做的就是擁著南南一起抱頭就睡, 用身體感受他的溫暖.

被人撩

試過有一次一個人由cwb行番去公司,中途有架貨車行過, 個司機係一個後生仔, 佢就係咁吹口哨係咁叫"靚女" (我諗係叫我, 因為周圍d人都望住我, 我就扮晒聽唔到, 當佢係傻仔, 死都唔應佢)
又有一次同個同事係觀塘出job, 係停車場出口停低比架van仔過, 駛過我面前時, 個司機(又係後生仔)對住我吹口哨 (我又係扮聽唔到)
今日, 係屋企樓下, 明明條路咁闊, 有個迎面而黎的傻仔係都行去我旁邊, 又係度吹口哨 (我直行直過, 當佢透明)
點解d人咁無聊架

吹氣球

下星期就會出發去一個落緊雪的地方,想起都興奮.
我本身係一個好怕凍的人,全身上上下下都無一寸多餘的脂肪可以燃燒而產生溫暖,為免到時因染上感冒而食藥產生的後遺症 - 疲倦,錯過任何一個重要的景點同影唔到靚相,上星期六我同南南兩個走左去沙田花左五千多元買左兩件雪褸.我著左成set褸之後就好似一個吹脹的氣球,到滑雪的時候,不知道會否變得笨手笨腳... 好期待呀!

寄養服務之手快有手慢無

尋日sick leave, 岩岩食左藥想話攬住晴晴豬瞓, 行過見到兔協宣傳單張就順便打個電話去問下下個月寄養仲有無位... 點知佢話得番一至兩個位,聖誕個期仲full埋tim... 我問可唔可以hold個位比我,我第二日黎填表都唔得,要落左$500訂先算數... 下...死啦...我等唔切第二日放工啦...
我就對住晴晴話(攬住晴晴豬): 晴晴,媽媽一定book到個靚位比你ge, 你放心係屋企食草啦!
晴晴(個樣好嗲): 我會乖乖架啦 >_<
之後我就用左十分鐘時間洗頭換衫化妝,再跑出去追車,幫晴晴霸番個位... 一上到去兔協就拿拿臨墳左張form,攞埋個$500出黎落訂..我比緊錢個時原來仲有一pair人係度填緊form,嘩..好彩姐,好彩你阿媽我行動夠快,唔係行慢d連最後個位都無埋都唔定... 我走個時仲望左一陣個度寄養中我的兔仔,佢地個樣都好悶下..到時唔知晴晴會係點呢? 唔知會唔會好掛住我地呢? 其實聽個agent講應該會係夜晚六點幾落機,兔協就收九點,如果可以的話我想即刻就接番我晴晴走啦.

一個人的晚飯

一連三日南南都要出trip, 結果得我一個人係屋企照顧晴晴... 晴晴豬仲跟住我行黎行去...我去邊佢又去邊...行到累我又攬住佢瞓... 好鬼舒服....為左多d時間陪晴晴.. 我唯有唔整野食, 係樓下買左個飯盒食就算lu...

My Fovourite Miss Sixty Jean

行左三間專門店,尋日終於買左條 Miss Sixty Jean, 原價$1,790,不過有$1,000 discount. 好開心呀, 我一番到屋企就試上身, 係咁擺post, 無論點擺都咁型, 好fit好修身.. 我愛"死"它啦! 問南南靚唔靚,佢仲話要60歲先著得, 激死!

條靚好死蠢!

今日稅局deadline, 我一向都晨早就complete晒d野, 可惜條"靚"實左太死蠢, 完全唔知咩叫deadline同follow up, 結果佢有幾間complete唔到, 破壞晒我地IK team 的performance, 最慘係要ik"咩"晒 =.=
仲要攪到我心情唔好, 好火..不過尋日bake左cake 就好好多啦 ^.^ 但係唔記得帶機影...唉...

遺失手鏈

好慘呀... 早2日朝早搭村巴番工個時先知唔見左條手鏈, 係銀色加上一點點碎鑽, 條鏈我帶左好多年架啦, 係一位認識左成差唔多十年的男仔送比我的生日禮物...唔見左唔開心唔係因為它的價錢, 而個份意義, 個份友情...因為通常人地送個生日禮物大居其九都係唔岩自己心水, 但係條鏈個款我好鍾意係佢特地挑選的. 最記得個時佢仲話不買那種有裝飾吊住的因為怕會整到我.. 哈哈又會咁岩ge...我真係唔會帶架.. 因為我細個就係貪靚, 而我又百厭攀高攀低跳上跳落, 一跳番落地時隻手一按個地下就比d吊飾弄傷啦! 唉... 而家唔見左啦, 仲要係唔知幾時,唔知係邊唔見tim, 不過一家係我近幾天忙deadline時唔見架啦..嗚嗚...

Baby G

我一直都想要一隻Baby G, 昨天突然心血來潮既然這幾天都做得這麼辛苦, 不如就買一隻黎獎勵自己啦..今天食完下午茶就順道走去CityChain望下... 望望下又走入去試帶一下..試完南南就話即場買...跟住就南南比埋錢..我小時候ge願望今日實現左lu...  我好開心呀!

累透了!

好眼瞓呀,現在看眼前的東西都好模糊,昨天回家時橫過輕鐵路軌時都差點比輕鐵撞, 好險啊! 記得以前曾經有人被輕鐵撞倒而斷了腳,好可怕呀! 我知道如果我有什麼缺陷,一定無人要啦,而家都嫁唔出到時就更加唔使諗啦! 為左自己,都係要打醒十二分精神. >_<
到了這一刻我真的想放棄,但是我又想話比人知我係得ge... 無論身體上或者是精神上我都到了不支的地步,但每當我快要倒下時,我都同自己講我要挨過去.我還打趣的對我家人說如果有一天我突然倒下,記得叫醫生幫我輸血,我應該沒什麼大礙我只是昏睡吧了.
距離deadline的日子還有剛剛一星期,其實我到現在仍能坐在電腦前是因為"她"的支持和關懷,遲一陣子真的要多謝"她".

一肚子的氣

你的冷言冷語令我好傷心

DEATH NOTE

星期六本來應該好好瞓一覺, 抖足精神做晒公司工作, 但係因為南南入漏左單, 所以一早十點鐘係我仲係發緊夢個時南南就叫醒我起身出旺角啦... =.= 十二點鐘就攪掂晒, 走左去朗豪坊食lunch同行街, 點知見到"死神"!  哈哈... 唔好驚..只不過係上個星期先係度做全球首映的"死亡筆記"的其中一個主角---死神流克...我仲坎左埋去影左張相tim..   行左一陣, 實在太眼瞓啦..番左屋企咩都無做又瞓過...瞓到九點多先起身, 食左碗麵, 做左陣野就落左樓下睇"DEATH NOTE2"午夜場...個故事都幾特別我都好鍾意...我都好想有一本DEATH NOTE同死神的眼睛, 因為可以殺左d的唔鍾意的人 你信唔信呀?

公司有賊!

上個星期五..公司有賊仔!!!

阿咩吉場

今日一開ICQ有個friend send 左個msg比我, 見到youtube.com http://www.youtube.com/watch?v=OY1NhB3KiSM 的網址以為有咩無聊事睇.. 一click入去先知係無線星期日檔案--留下最愛的... 原來係講一個患上血癌的女仔所寫的web叩阿咩吉場, 到佢離開之後, 佢媽媽為左留住阿咩個種堅強同樂觀的精神, 就算得小學程度都走去學電腦....
其實以前都有類似le d 咁ge web, 我又唔會特別去睇會唔開心..但係唔知點解見到le個女仔張張相都咁開心... 對於自己個病仲咁樂觀............但係上天好唔狠心奪取左佢ge生命.........我個心好唔舒服...好想喊...自從上次bubu離開左我之後..我真真正正第一次感受到失去至愛痛苦... 我好怕...一想起牠...淚水都擁到眼邊但係又唔敢流出黎....好辛苦....我每天都好想快d做晒d野想分多d時間比身邊的人..我要時時望住先安心....唔知我係未有"失去至愛後群症"呢?

火牛 ----- 爛左!

晴晴隻"衰豬"咬爛左我部NDSL火牛..媽媽生日都未到就同我咬爛佢啦... "打打呀"...不過好左有爸爸尋晚幫我駁番姐...

28 October 2006

因為之前做野做得太辛苦啦...今日一瞓就瞓到4點幾先起身... 南南同我都有d感冒...2個"拿拿淋"走去樓下睇醫生..再趕西鐵出旺角朗豪坊...不過唔係去睇"DEATH NOTE 2"首映.. (佢就想啦..kaka...)係約左佢d大學同學出黎re-u...攪左個西貢布袋村海鮮團... 個度d 海鮮都唔係話特別整得好味.. 係聖子:)同瀨尿蝦:)大好多咁law..不過最surprised係連佢有個"靚仔"同學都話我似阿sa..佢都唔係第一個架啦..每隔一排就會有人咁話我架啦.. +_+ 計我話呢我個個都唔似..我就係我!

26 October 2006

又大一歲啦...HAPPY BIRTHDAY TO ME >o<
一踏正十二點...個傻佬就送左個birthday kiss比我... sweet sweet... >_<
雖然公司有好多野做..攪到6點都未做晒...但係我個head都叫我早d走... 去玩下先啦...呢一晚..本來係去港麗食buffet...但係我好眼瞓呀..都係第日先去過啦..結果南南同我去左和民食大餐... yeah!!

MY NDSL

上個星期四終於買左黑色行貨的NDSL啦...好開心呀...不過個價錢就比較貴...可能行貨啦...一定比水機貴$100....買supercard 又貴d.... 1G micro sd card 又貴d...加加埋埋都$2000啦...hehe...不過係男朋友比錢..hoho...

好野 又有菜菜食lu

今日媽媽比左唐生菜我吃...好好味呀!

豆瓣醬蝦仁拉麵

今日ge下午茶...

兔兔睇街

最近一開晴晴個籠門, 佢就一支箭咁跑入房.. 佢唔係跳上床玩而係走左去窗台睇街... 佢用最relax ge 姿勢好悠然自得咁四圍望...睇日落... 一睇就成個鐘都唔見佢走番出黎... 好得意呀...唔知係未我係佢細細個就成日抱佢睇街, 而家就自己跳上去睇...都好ge... 起碼佢有自己ge娛樂...無咁悶

唔開心 =.=

le 幾日好多野煩呀...攪到我都瞓得唔好...
1. 南南話晴晴成日發脾氣係都要走去電視櫃後面...好怕佢會電x呀...佢又胃口大左草又多枯又APD多枝.. 唔知買咩比佢食好... 我好掛住晴晴呀...但係我公司又多野做探唔到佢..如果我係同晴晴一齊住就好啦...好期待這一天..
2. 公司assign得太多job比我啦..當左我係超人..一個頂三個...汗!
3. 我好想買NDSL呀..但係又未有時間玩..又驚le樣又個樣.. 唉.. 我就係咁啦...
4. 我都好想係屋企玩THE SIMS2呀... 但係又怕陪唔到晴晴同南南...
5. 我好想行街買衫呀... 但係又無人得閒陪我...
6. 我岩岩買左榛子醬同whipping cream... 唔知星期六定星期日整好..定係整cup size cheese cake 比南南好le

我好多野都好想..結果攪到自己好唔得閒!

NDS Lite

嘩! 我係未好多心呢?? 如果我每日再有多24小時比我就好啦...我除左做公司d 野, 又上討論區同人分享SIMS外...我早幾日搭村巴見到唔止一個女仔玩NDSL- Cooking Mama... d 畫面都幾cute 攪到我又不停上web睇下點買機...白色好, 黑色好定粉紅色好呢....

THE SIMS 2

上個星期四岩岩先install番我隻模擬市民2..又有一段時間沉迷落去啦...人地個個都拎住份notes prepare緊exam..哈哈..我都好勤力...又拎住一份notes..不過係sims ge 功略... 下個月又出新data disk 啦..叫"寵物當家"呀..到時d人仔就可以養寵物..但係好似無兔仔養..sign... 因為le 2個月又要趕個大deadline 啦..我都要好好分配一下時間先...

http://www.ea.com.hk/sims2/

好多野做呀 =.=

岩岩先趕完個8月deadline.. 9月先第5日就又趕11月個deadline啦.. d job 多數都assign晒比我..多人成2倍幾..想做死我咩..做得快都唔使咁架...點快都係人一個.. 人地今日仲係做緊一隻細job..我就...開左12隻job... 勁呀....
今日我個team leader叫左我條"靚"入房"照肺"..皆因佢d做事效率奇低...後來team leader 同我講番條"靚"話見到我做野咁快..快成幾條街..距離愈黎愈遠好大pressure...   都唔知係未擦鞋...咁易比你個新仔追到..我仲使係公司企ge...

車厘子..好味呀

睇下晴晴個嘴仔幾靚..."查"左鮮紅色唇膏咁..好靚女呀...好迷人呀...

 

Oasis Beauty

前日去左Oasis Beauty做facial...因為太耐無做, 所以就帶埋我自己ge record 去對下d 次數岩唔岩..點知出事啦...其中有一項係peeling佢話我用剩2次..而facial 就仲有9次..問我加唔加..點會呀..我一開始買左10次peeling加10次soft mask..因為2樣ge price一樣..所以到時我可以用多左ge soft mask轉做peeling...總之就岩岩好做晒個9次facial 都有peeling 同mask... 哼..而家又話要check check...無野呀...叫人買野個時咩都話得...比左錢個時又唔同講法...我對佢地ge selling service 存有疑問好耐ga啦...最衰岩岩又搵唔番張invoice..都成上年11月ge 事啦...唔理啦..聽日打去問check 成點...睇下佢地點答..先再決定下一步點做..

晴晴的第一次

晴晴有4個幾月大啦..爸爸買左油麥菜比晴晴食..睇佢食得幾開心就知好味啦!

討好別人

今日無論係番工或者係其他時間..我都好似做緊d討好人ge事...番工個時我要扮好人幫做得慢個d人趕埋個deadline..攪到自己成8點幾先番到屋企...平時我一定準時走人..到番到屋企...我明明想做ge事都唔敢做..又唔敢出聲話比人知我想要d咩...好似好介意人地點諗...為左討好身邊ge人而令到自己咁唔開心...以前ge我一定唔會咁...我好懷念以前ge生活同人和事...

被遺棄的桂花糕

其實睇落都唔係好差姐..唔知點解我預左一人一件..放左成3日啦...但三番四請先推銷到一件...我盡量去整一d 岩大家口味ge甜品..想話帶d開心比身邊的人...但係...到最後都係自己一個食晒...
就好似我所做的每一件事都係為左家人同男朋友好...但有時佢地唔係好明我點諗..唔係咁體諒我...有d咩野唔開心都係自己一個躲埋床鋪裡面唔開心...我唔明白點解人地會唔領情...只不過係小小心意...我放左好多心機落去做架...  

幸福的微笑

昨晚唔知喊左幾耐...瞓著左...都唔想再諗啦..今日隻眼有d腫...望住塊鏡..原來我已經好耐都無笑過啦...
以前我係一個成日都笑ge女仔...因為有人疼愛...身邊d同學都覺得我係一個幸福的人...
"幸福"好似開始遠離我..愈走愈遠...我感覺到"孤單"...我不想令自己傷心..我努力去安慰自己..找尋一個屬於自己的位置..希望做得更好....
想起前一陣子, 媽咪叫過唔好咁慳, 有時可以買件衫打扮一下, 哄下自己會開心d....而家諗諗下媽咪都講得無錯..我咁慳為咩le...有時都要為自己...攪到自己咁唔開心..爸爸又心痛...
我想我要為下自己...尋找番我遺失已久的"幸福的微笑".

Chocolate Concorde

岩岩上完堂..學整左le個蛋糕...我想學好耐啦...終於同埋個同事一齊報左名啦... 係君悅酒店 ge chocolate concorde... 好正好美味啦....

Tiramisu

上星期日整左一個6"Tiramisu...可惜一時唔記得帶相機, 影唔到d 靚靚相... 今晚岩岩食完飯就忍唔住整番件...um... 再黎多件先... "足之"食左2大件..而家好飽tim...如果我日日咁食..未好快變肥婆

朱古力咖啡芝士蛋糕

岩岩個星期六整ge.. 下層係古力蛋糕, 上層有咖啡芝士蛋糕...yummy  yummy..

金毛尋回犬

岩岩睇完pet pet show見到d大狗企係主人身邊好有安全感呀.. 本來我都係諗住養史納紗, 仲要係迷你個隻...但係而家我想養金毛尋回犬呀, 淺啡個隻..貪佢夠纏身,又聽話...同佢出雙入對都無問題... 唔行下下都等男朋友陪...
到時我ge時間就係奉獻晒比我阿晴晴同我隻金毛啦.. yeah!

第一屆國際寵物用品及服務展

前日星期六走左去第一屆國際寵物用品及服務展, 去到亞洲國際博覽館, 即係香港大嶼山香港國際機場附近, 遠到死...一心諗住兔協係個度有個場可以睇下有d咩岩我阿晴晴用, 順便買d精品...點知一去到... 話個brooth 勁細.. 幾個人都企晒d位... d 精品唔夠秒就睇晒啦...浪費我d時間同車錢..仲有我d腳骨力...:(

Hong Kong Disneyland? 結婚!

藝人郭晉安同歐倩怡終於結束唔知幾多年ge愛情長跑啦...恭喜晒啦...仲要係Hong Kong Disneyland舉行婚禮...我好好好羨慕呀

 我好羨慕個女仔可以係最美ge一刻穿上嫁衣..我更加羨慕個男仔肯願意為個女仔實現夢想..

嘩! 好浪漫呀...好童話呀...我一直都好想自己好似灰姑娘咁..總希望有一日生命中的王子會找到自己...然後係城堡前面說聲 "我願意"

 ....雖然好簡單得個三個字..但係比起"我愛你"更有意義, 更神聖...代表老公對自己一生ge承諾..無論生老病死..都唔會嫌棄我...
不過..我個夢想都唔知幾時亦都唔知邊個會同我實現...

Back To Your Heart

"Every night I dream about you
Ever since the day we said goodbyeIf I wasn't such a fool
Right now I'd be holding you

I turn back time
To make you mine
And find a way back to your heart
I beg and plead
Fall to my knees
To find a way back to your heart"

寂寞的心

唔知點解我覺得好寂寞...好似沒有人了解我...唔明白我想要d咩..比唔到我想要ge野比我...

我..強烈..需要一個由心的擁抱...好想好想找一個懷抱大哭一場...讓我發洩已藏在內心心深我情感...

難忘失戀滋味

因為前幾日都又要忙公司事, 又要忙家務, 體力透支..今日我偷懶, 請左一日假....屋企無人..開左2張舊英文cd聽...一聽就"毛骨悚然"... 好touching 呀...個種感覺好熟...好想喊...
I try but I can't seem to get myself
To think of anything but you
Your breath on my face
Your warm gentle kiss, I taste the truth
I taste the truth....
check 一 check隻cd, 原來係6, 7年前ge事啦...當年點解我會咁鐘意聽le 2隻cd..um...係呀....無錯係失戀...係我最痛ge一次...每一次ge分手我都可以過幾天便沒事..但偏偏卻是那一次..提出分手的人是我..但我卻比他哭得更厲害...個心好痛好痛...學校ge每個角落都係我倆浪漫的見証...根本沒法子忘記他..他是大學裡的風頭人物...但他卻仍願意隱形自己...係我身邊照顧我保護我...
記得那次我倆的遇上真的是緣份的安排...2個不同系的人因為一個每星期三小時的英文班而認識..你坐係我對面..第一堂因為你的俊俏而令班上的人都對你行注目禮..我仲同個friend講你實追隔離位個靚女..靚仔無本心呀...點知你第2堂一放學..你由課室追到我去又一城(因為我同個friend走得太快啦, haha)..送左扎花比我..仲話差我$1..而家無數...當時ge我一d無開心..仲唔肯收..我話你比$1我好過啦...

你"塞"入我手就9秒9 ge速度走左...以後ge每一日你都有意無意係我身邊出現...到某一天我終於肯做你女朋友..你好開心..開心得帶著我向你的朋友炫耀...第二天你約我去觀賽...安排左個位比我坐..你走開左.仲話好快會見到你..我一個坐著..比賽開始啦...有好多女仔圍埋一齊為一個人打氣...e...個個未係你?! 最後你將個全場總冠軍送比我..

 番屋企個時你問我..知唔知我中文名叫咩, 住係邊.. um..我剩係知你英文名叫xxxx, 岩岩係比賽到知你中文名..你讀xxx faculty...  你就話我咩都唔知就拍拖...我話我唔係要你個樣, 我要係你對我ge關心, 我涷你會擁抱我, 我喊你會幫我拭淚...我喜歡同你一齊個種簡單...當日上堂全班係得我一個唔望你..你就係鐘意我不追求那種虛榮心....
我用左幾年ge時間才可撫平傷口...離開一個深愛ge人係一件好不容易ge事...已經咁多年沒有去想ge事..一聽回那些歌...那種失戀ge感覺就好似不久前才剛發生...

 這段感情我會永遠放係心底..但卻用心去珍惜我眼前人

迷你蛋撻

係我尋日忙裡偷閒的作品... 我覺得d 味唔係咁夠...不過都ok ge.... 一口一個..正

今晚去剪頭髮...好緊張呀

死啦平時剪開個個髮型師走鬼左...今晚要試身2個.. 好緊張呀...都唔知會剪左個咩樣tim

精靈鬼馬寵物照

BuBu: 天時暑熱, 都係攤係度最舒服

精靈鬼馬寵物照

擺個靚post先

精靈鬼馬寵物照

Hi..我係晴晴...媽媽你影完未呀..我好眼瞓...

期望愈大 失望愈大

"期望愈大 失望就愈大" le句說話好岩呀...
我公司新請番黎ge新仔, 我對佢一d期望都無...佢反而做得都唔錯...因為我對佢無期望, 所以就算佢做到點錯都好, 我都唔會忟憎...唔經唔覺同佢都相處左1個月啦..ok呀...都幾開心...
對於感情生活..由於環境ge轉變, 兩個人適應能力同期望都會唔同..有時到左某段時間想像的同現實的差距愈來愈遠, 倒不如停一停, 比個機會自己深呼吸, 順其自然...
放低所有ge煩惱, 用"心"做自己想做ge事... 這種感覺好舒服...就算得唔到別人的欣賞我都好滿足..因為我已經做到做好, 對自己有個交代..我唔會再因為得不到別人的讚賞而傷心痛哭...

夢醒

今日出左去見個熟客, 食lunch個時講開我係未真係想退休唔做做少奶奶...  我停左一停: 我諗我唔得啦...... 上番去個客到, 我就好專心好快咁做晒d野, 5:30就off. 但係好奇怪... 我竟然上左佢屋企...唔知點解我上到佢好害怕, 跟住仲係間屋到戰戰兢兢行左一個圈...
記得當初買黎度個時, 我考慮的唔只係番工就唔就腳, 仲自己諗埋買餸方唔方便, 第日小朋友番學有無好學校, le區易唔易學壞..諗到鬼死咁遠....到左裝修買傢俬, 主人房點解到現在都仲係得張床, 就算見到個自己鍾意的梳妝台都唔捨得買, 因為我想用d$同留番位黎放bb床... 書房le...張書枱唔想買咁大係想第日個仔大左可以放張單人床同衣櫃仔...每次行傢俬舖都會睇下有咩第日岩用, 偷定師...但係次次諗左一陣就會有把聲提醒我.. "我想過下獨居的生活" ... um...所有野都係我一廂情願......
我坐左sofa上,回想起一齊painting wall 的情景... 我愛"屎"了這間屋的每一寸地方..它都是我的夢想...但.. 到了這一刻, 我終於夢醒了... 我知道我le個夢想好難實現了... 它已經碎了一半...
我再一次抱起晴晴: 晴晴,媽媽要走啦...你要乖女呀..要聽爸爸話... "啜卜"..le下比晴晴ge..."啜卜"..晴晴le下你幫媽媽送比爸爸啦...

無奈

其實彼此都為對方著想, 但卻因為沒有當的溝通令誤會加深而影響關係.... 唉.....
腦裡面想著從前那種由心的擁抱.....
我這一刻不想再解釋, 只感到無奈

家務

唉....頭先我又要睇人面色啦.... 原因就係..我無洗碗lor...
他: 你入廁所睇下, 我今日洗左衫, 等陣仲要拖地, 咁你做左d咩呀, 你剩係洗左你整蛋糕d野渣........(我就話唔係今日, 係我係度le3日啦)
我: 我上個星期六又上午11:00汁到7點幾啦... 頭先又洗左一堆碗, 我好累呀..唔想洗呀...
跟住佢就走去洗晒d碗, 之後再拖地(好晦氣個隻)
如果要用今日黎比, 我係做左好少野, 洗左一堆碗咁大把... 但係..佢叫我入廁所睇下d衫個時, 唔知佢自己又有無留意到我擦令左個浴缸同個洗手盆le...
上個星期六佢番上午, 一放左工就同d同事唔知去左邊到玩, 玩到成6點幾先番.. 而我就做左阿信...清理左全間屋, 除左佢間書房.
首先主人房, 我由窗台開始用藍威寶係咁擦, 擦到佢無黑色塵為止, 床ge四周無論大大小小的空隙位我都用吸塵器吸乾淨佢, 因為晴晴好鍾意走入去玩...到廁所同廚房, 所有大大小小的盆我都用潔而亮擦..到個"大"廳啦...汁晒d垃圾, 大大小小的角落我都用吸塵器吸....  6點啦...我都差唔多汁完個時佢番到黎... 三請四請先請到佢幫手汁雜誌... 佢仲話佢好多汗要沖涼唔想汁.... 我心諗我未仲多汗, 汁左成屋野... 講真呀... 我由細到大都唔使做唔係剩係佢唔使做... 我為左晴晴.. 我都肯去一個人汁晒d野佢...我係女朋友渣都唔係應份要咁做..我又唔係話要博d咩野.. 我覺得2個人有份住未應該分工合作...  最慘就係我汁得整齊d野一個星期之後上黎又打回原型..我未叫佢有d野唔好咁放...又或者沖完涼就著留拖鞋..唔好踩埋d草上床.. 但係佢覺我佢用隻手撥2撥就乾淨架啦...但係張床都係有d草係度..我瞓覺仲有野咬我tim呀.. le d 都係衛生同習慣ge問題, 一個人住就係咁架啦..唔想做咁多家務未留意下d細節, 有手尾d, 大家互相提點...
我認我咁耐係未掠過衫, 咁係未無做一樣就等於我無做其他野le? 我個個星期上去都有洗廁所, 洗碗, 洗晴晴個籠同汁下野咁呀..我已經好努力咁學做家務, 做到手到乾晒, 媽咪仲話一日做晒一個星期d野當然難啦...
如果要計邊個做得多野, 我覺得我一定做得多d. 所以佢頭先比面色我睇..我唔覺得我唔岩...我上個星期先做左成日大掃除, 我做少一次都唔過份姐...

我一至五都要上工, 放假都好想同男朋友一齊分享..行下街打下波咁..而唔係做阿四..做阿四唔緊要, 最慘係佢認為女朋友就係阿四..仲嫌我做得唔夠好..

原來兔仔都知我唔開心架

尋晚同爸爸媽媽, 男朋友一齊係流今歲月食左餐飯, 之後仲行左陣街同睇左10:00pm埸ge反斗車王. 我好叻叻呀, 可以扮到咩事都無發生咁, 仲笑左成晚tim呀... 但係番到屋企, 沖完個涼.. 見到佢d面色唔多好... 我就自己帶埋晴晴入房準備瞓... 我坐係床邊對住晴晴話: 晴晴, 媽媽好唔開心呀.. 真係好唔開心呀..你可唔可以陪下我呀.. 我唔知自己幾時會離開間屋.. 你可唔可以過黎陪下我, 攬下我呀...

本來晴晴係食緊草架, 但係佢見到我流左好多眼淚, 就走左過黎用個鼻仔黎頂下我.. 我抱住佢喊...多謝你呀晴晴..我以為會得番我一個...原來我仲有你...  跟住晴晴就鍚左我一下... 佢望住我ge眼神好似真明我唔開心咁.. 我好累.. 我放番佢入籠.. 一直仲望住我瞓...

開OT =.=

今日下午5:50, 準備放工的時候收到最近一個麻煩客的email, 佢話要下個星期一比個draft的account佢wor... 咁我未走去同我ah head講lor...跟住佢就叫我reply比個director話比佢知我地唔係唔做野而攪到佢地過晒deadline, 而係佢地個account d數改完又改, 浪費晒d時間....  就係咁我就因為佢一句email send過黎, 咁岩我黎緊le 2日都唔係公司, 結果我要ot左2個hr的時間佢point out番佢地d問題出黎, 為公司(其實係為自己)做個大平反!

激氣, 攪到我又整唔到豆腐花tim