十字繍 - THE DELI - 準備中

家政時曾買落一堆DMC線, 再加上繍DMC兔仔FREE CHART的16色, 仲有THE DELI的新加廿多隻色, 我已經有差不多90色啦!

係KIT SHOP買左ANCHOR-THE DELI 繍圖

前日畫左格仔, 可以開繍啦!

搵完又搵

岩岩佢打電話黎問我有無幫佢DL FORMS... 無WOR... 唔記得啦! 我今個星期都係忙緊結婚DIY, 考車牌, 繍圖, 公司DEADLINE, 根本就唔記得DL FORMS... 況且我兩個月前都曾經用左個多小時上網SEARCH資料, SCAN過之後整理左資料全SET比左佢....

不過, 似乎有人無睇過, 兩個月又問我, 又要搵一次... 佢仲要罵我一頓! 個POINT係我應承左佢又無DL到.... 係就係我無DL, 但係我都唔記得係邊SEARCH, 同打咩KEYWORD, 我根本就唔識, 當時要做的我都做左, PRINT左一堆INFORMATION出黎, 有晒SOURCES... 如果你係咁趕, 點解唔自己搵, 要我重頭搵過不如你睇我INFO打個LINK就有晒你想要的野啦! 你認為我玩繍花就叫好得閒, 可以幫你又重頭搵一次, 你做公司事就叫忙, 花幾分鐘時間睇我搵INFO都無時間...

應承左又無做, 咩你都知衰, 你未又係咁, 話我 我起碼次次你想要的野我都做RESEARCH.... 你未又係臨時抱佛腳... 睇怕我比你RESEARCH都唔知有無用黎墊左籠底... 有時有D野係要自己做架, 我幫得的都幫左啦!

同埋我覺得當我專注自己興趣時, 佢實會話我咩都唔做, 只顧住自己...

平時上去屋企無野好做, 又話我煩住佢, 做唔到野.... 咁好啦, 我盡量搵野比自己做, 最少唔會浪費時間, 又可以培養興趣, 佢又話我咩都唔做! 其實講白D未就係話我咩家務都唔做LOR! 我曾經有幫手做過, 汁屋清潔, 不過一個星期後上黎未又係打回原形, 咁樣我個WEEKEND就係咁又變左做阿四啦! 我唔想呀! 平日有手尾, 比起個個星期做無咁辛苦, 所以我寧願第日結左婚先打理間屋啦!

其實都幾唔開心, 我專心整蛋糕時, 拎住件作品, 佢就會話你LE兩日未就係整蛋糕LOR, 其他咩都無做! 我承認我每做一件事都會好投入, 睇好多INFORMATION先開始做, 會花多少少時間研究... 近排開始玩CROSS STITCH, 專心搵資料, 無幫佢DL FORMS, 就串我繍我的花啦! 好潑我冷水呀! 我開始覺得我要做的就係一個家庭主婦, 只可以洗衣煮飯, 你未做好都唔好做其他所謂的興趣呀! 咁佢就最欣賞啦!

上個星期我坐在SOFA前地下玩CROSS STITCH, 佢就係SOFA做公司野, 佢竟然趕我走, 話我阻住佢  唔係呀! 各有各做, 都嫌我阻住, 第時結左婚點呀? 唔通要躲入廚房洗碗洗廁所先叫唔阻住??

十字繍 - DMC兔兔(進度表)

7月7日

一個月前上網DL左個圖稿配埋DMC線, 上一個作品都未完成我就急不及待開始向ADVANCE LEVEL挑戰... 不過..我繍得好慢好慢... 每日繍得十多針... 一黎眼瞓, 成日繍錯, 數錯格仔, 二黎唔夠時間繍, 每日都係個多小時....

我由底部開始繍... 估唔估到係咩黎呀?

繍多一個星期, 都係多左DD  真係好DD

剛過去的WEEKEND, 我努力繍... 哈哈... 繍左條腰啦... 估到係咩未呀?

7月17日

經過幾天我努力終於繍到個型出黎啦... 今個WEEKEND補番幾針先

7月27日

終於完成左個主角啦! 還欠BOARDER, 現用早上上班前的時間(8:30 至 9:00) 努力中!

HAVE A NICE DAY@黃金海岸

7月5日星期六  晴  最高溫度為32C 

起身時不是太舒服, 眼有點兒腫... 本想到黃金海岸酒店吃自助餐, 但室內已FULL, 坐花園的話會很熱.... 結果我和南南駕車出黃金海岸泳灘走走

泊好車, 先吃個M記SUNDAY, 我試了新口味 - 黑芝麻, 感覺就像是一口芝麻糊加一口雪糕, 都係士多啤梨最好食 之後, 行過去沙灘, 脫掉拖鞋, WU...D水好清涼呀!

玩了個多小時, 日落了, 也是時候回家了!

好開心呀!

7月6日星期日  雷暴  黃雨

下了一場大雨, 我不清對面山頭...

但仍有不少泳客趁雨細時玩水...

而我.... 用上次餘下的一半CREAM CHEESE做了個CHEESE CAKE做我和南南的BRUNCH