過大禮

12月7日下午一點至五點係我地過大禮的吉時...

早上十點多, 公公婆婆已經飲過早茶搭的士到... 由於我食左藥眼瞓到暈, 等阿媽番到黎招呼佢地我就又入房再瞓過啦, 我一瞓又瞓到一點多... 話晒都係今日的主角都唔可以成日係房瞓, 我就坐係度太累時就小睡片刻...

等到二點到, 南南就同佢個同事俊俊拎住一籃二籃過大禮... 我就走左入房, 因為好似話唔可以見架.... 之後等阿媽回左禮之後我就出黎同阿公寫帖啦!

寫左個幾鐘先整到十多張, 因為阿媽又話呢個入幾多西餅咭, 個個又多封燒豬金... 整整下d 西餅咭都無晒啦! 張帖仲要厚到張貼紙都彈番開呀!