事業OR愛情?

近日(都已經係上個月的事啦)係公司好無聊, 好得閒, 唔係好多野做, CLICK左入D討論區, 個題目係問想另一半搵幾多一個月, 萬幾又有, 幾萬的都有, 又或者係公一份婆一份夠用就得啦. 不過我最同意的就係有位網友話最緊要係個男人係事業同愛情之間取得平衡  I AGREE!
就算你搵得幾多錢買好多野比我都好, 但係人形都唔見咁同無男朋友, 無老公有咩分別? 又有好多人都識得講男人唔應該張街外受的氣帶番黎屋企, 搵另一半人黎出氣...不過佢地寧願唔出聲, 結果分分鍾連僅有的溫柔體貼都收埋..
事業同愛情... 有幾多個男人真係可以係兩者之間取得平衡? 

My New PC - hp w1907 + vista

星期六出左去旺電睇下d電腦幾錢, 咁行開上次買開個間, 見個sales咁有誠意, 個價錢又合理就即刻四埋，　仲加左少少錢買埋le個mon - HP w1907 16:10 黎架..... 尋日南南幫我托左部機番屋企駁線(佢個大力士一手拎機一手拎mon, 後面再揹住我個舊harddisk), 一開機就用得啦, 因為我仲順便買埋vista, 個sales 已經reg左好方便呀..唔使自己再慢慢install....
我一下子由p4 512ram 升到最新的科技, 連阿妹見到我部機麵話我high左咁多
我仲發掘緊d新function, 愈玩愈開心
1

我部腦---help!

前日我開唔到部pc, off左個大制都仲開到... 不過昨天...唉....我開左十次都有啦, 都開唔到呀, 唔知係未燒左個火牛...不過話時話, 我部機都就用左過5年啦....都係時候睇過部新機啦, 買過部desktop好定notebook好呢? 希望我個harddisk無死啦, 唔係我d file....

星期日的戰利品

昨天一口氣買晒... 哈哈... 好開心呀... 其實我都係買左上面右手邊個三樣同兩支唇膏, 就送左左上個支洗面同下面個一大堆... 今日都係試左支base, 都幾潤, 幾好wor, 仲有少少閃...

My First 花甲

上個星期五晚拎晒d nail assessories出黎擺晒係張床到, 就整左le 款花甲出黎啦... 我自己都幾鍾意..不過d 花花好煩, 成日都抅到野

突然的離開

正當我星期一那天好開心咁享受緊我的假期, 原來公司有一位同事突然離逝. 雖然我同佢唔係好熟, 對佢ge印象都好模糊, 但係當我知道le個消息之後都有一種失落的感覺... 點解會咁架, 佢應該同我差唔多大, 咁後生..唉....聽人講好似係本來星期一約好左同事一齊去個客到, 但係等唔到佢又聯絡唔到佢. 唯有打比佢女朋友, 佢女朋友就打比佢阿媽, 就上左佢屋企先發現佢死左啦...  我想像到佢女朋友, 阿媽個種傷痛...
曾經男朋友突然唔舒服, 好彩及時入左醫院, 做左手術先無事... 當佢係急診室個時, 我又唔知咩事, 好傷心, 我喊到無力企, 要蹲左地上, 失聲痛哭.... 我好怕le種預計唔到的事, 真係好怕... 會好遺憾... 我怕所有的承諾會付之一炬...... 唔知係個次之後的後遺症, 我唔放心佢一個人, 而家佢一個住我就更唔放心, 無時無刻都會打比佢, 我只不過係想確保佢無事... 我係咪好無聊 所以我都好憎搵唔到佢, 一係就話電話無電, 一係就話聽唔到!

我的COACH袋

今日同南南出左TST, 架巴士停正係間COACH對面, 就順便入去睇下個八達套. 個八達通套就無晒啦, 但係就睇中左呢個...  諗都唔使諗就買左啦... 南南比錢錢...YEAH

連張包裝紙都係印住COACH, 仲接到同個銀包一樣, 唔捨得搣爛tim

虐待兔兔

岩岩睇左個forum, 有人post左d相係關於一個變態女人一隻著住高跟鞋的腳去踏死隻灰兔... 最後隻兔仔死左, 仲死得好慘tim呀, 其中一張相仲見到好似係佢隻眼球跌左少少出黎...我一路睇落去睇到面紅耳赤呀, 好想喊tim呀... 一條好好的生命, 點解d人要咁樣, 一d愛心都無, 咁都落到手.... 唉.... 好無奈呀... 我好想好想去救隻兔仔... 睇緊ge時候我仲起左少少身, 想衝出去推開個女人, 我想打佢一身... 之後聽d網友講好似話個女人比人拉左啦.. 不過都無用啦, 隻兔仔死左啦!

粉嶺香薰園

我地公司有個policy就係遲到的都要比penalty, 好似我le d爛瞓一下唔為意都可以罰成幾百元一個月. 但係其實公司咁樣係犯法ge, 跟本就唔應該涉及到金錢, 早一排有個同事last day, 講開le 個policy 係犯法ge, 問過晒solicitor同工聯會都話係唔可以咁做. 我地同公司反映, 班所謂admin的人就話d錢唔係佢地自己袋係要黎做staff fund 咁話wor... 哈.. 咁就奇啦, 我係le間公司大大話話都做左過6年, 都貢獻左唔少, 我從來都未亨用le d 所謂ge staff welfare wor!   點知唔夠一個星期, 公司就出左memo話要le d 錢攪個activity, 大家聯誼下咁話wor... 就係登...登...登...登..."珠海一天遊"啦, 活動時間係由朝8晚6呀, 其中一餐仲包山水蒸豆腐!   結果未得個幾丁友贊成...   又過左一個星期...又有memo啦....
日期: 2007年3月3日(六)
時間: 下午兩點至六點
地點: 粉嶺香薰園
活動: BBQ
活動費用全包, 仲有$30 travel allowance(都唔夠我搭車, 孤寒得佢) ....臨出發前我都仲猶豫緊去唔去好, 因為我唔係咁想同班是非精一齊, 不過最後都去左, 同自己friend d 個班人玩.... 個日玩得好開心呀, 我同Toby兩個玩搖搖板, 笑到傻左...
係香薰園度有個薰衣草養殖場, 好靚架... 我同d friend 都影左好多相....