開枱啦

呢副水晶麻雀係係屋企會所訂架, 睇下佢地玩得幾開心... 不過三缺一, 懶豬晴晴仲掛住瞓唔得閒打

開枱啦!!!!  一三六...十呀!


食糊!!!

中秋節快樂呀!

Supernatural - Sams dealth

今日LUNCH心血來潮, 上左YOUTUBE, 係SEARCH度打左"SUPERNATURAL", 跟住就SEARCH到下面呢段片, 我連飯都食唔落呀, 呆左!  之後有個同事岩岩回頭問我仲咩眼紅紅, 我話: SAM 死左呀! 點解會咁呀?

SUPERNATURAL: 主要講述兩兄弟Sam(細佬) Dean(阿哥, 我好鍾意佢架) 足跡遍佈全美國, 負責追蹤和消滅吸血鬼, 調查靈異事件等經歷和故事...

而家TVB PEARL播緊第二季啦... 好好睇架... 係繼ROSWELL之後另一套我睇都到好好FEEL的劇

呢段都好好睇呀, 仲係用左我最愛Avril Lavigne的KEEP HOLDING ON, 正呀... 睇到我起疙瘩!

ANNA SUI ~大出血~

上個星期, 終於去左ANNA SUI, 買呀買呀......  好開心呀! KAKAKA...

除左支指甲油, 其他都試左啦, 都唔錯, D PRODUCT 好香...
但係....我個銀包呀! 無血啦!

朱古力MUFFIN

好容易整的朱古力鬆餅, 用得最少工具, 打個打蛋器打勻所有材料放入焗爐焗二十五分鐘就OK啦!
材料: 牛油, 糖, 麵粉, 可可粉, 泡打粉, 蛋, 牛奶

橙味黑森林蛋糕

好耐無整蛋糕啦, 阿媽話想食, 所以就用屋企有的材料整左以下呢個CAKE!
兩隻蛋加糖打左成個字, 終於得啦

可可粉+ OLIVE OIL + 水

將所有材料拌勻, 放入焗爐焗二十分鐘!

叮! 得左!

再加D 裝飾, 送比阿媽食的

愛在911

提起911你第一樣想到的是不是恐怖襲擊? 可能事發的地方距離我太遠, 又沒有親朋好友在那邊, 以前對於911這個日期我沒有多大感覺...
不過今年的911...係藝人譚小環的大婚之日...
記得小環曾經出過CD, 有首主打歌叫《被愛》, 我好鍾意架, 每次唱k都會點播:

或是在刻意避開 或命中我活該
當秋冬去又來 仍孤單
彷彿早已習慣 當悠悠長夜晚
我卻也只是渴望被愛
*願望並不算自私 獨自心算日子
今天可算是遲 從不知怎可找到合意
當人人能遇見?其實我一樣可以
#而這一刻 感到從前從未感覺到被愛
讓這一刻 最精彩的繼續精彩
這一切願停頓 使相愛繼續能相愛
今天是你能讓我深深被愛

Repeat *#

不知不覺自然流露著愛念
還深深感覺在愛戀
祈求留住這眼前 讓感覺浪漫每一天

Repeat*

今年的911, 小環終於找到她的真愛, 仲係洲際酒店擺婚宴, 好幸福呀!

如果我結婚, 洲際都係我的first choice!

恃肥凌瘦

唔好以為著得斯文, 係中環灣仔商業中心番工, 成個行政人員咁款, 都唔一定係好人! 有d人連最基本禮儀都無, 正所謂金玉其外, 敗絮其中, 一d修養都無, 尢其是上下班繁忙時間, 隨處可見! 男的無風度, 女的成個潑婦咁! 有時勞動階層仲有文化, 有禮貌過佢地呀!

點解我會突然間咁勞氣? 因為頭先呀, 係呀, 岩岩差唔多9點, 係新x基附近一條樓梯, 最多人趕住番工個時...平時行樓梯都係一邊落一邊上, 我慢慢行緊落去個時, 有個著住件淺啡色套裝的肥婆, 係大肥婆, 肥過我兩倍行緊上黎, 佢恃住自己肥, 仲撞開我, 撞到我疾走左兩步, 我回頭望先知原來跟住我行個d人都見到, 唔使講都知係佢唔岩啦, 我都費時出聲! 我今日靚靚, 我破口罵佢我未變左潑婦, 有失我身份呀!

所以有時唔係話個人著得有幾光鮮, 讀幾多書都無用, 連最基本的禮貌都無的話, 叫人點尊重你呀!

疊疊樂

頭先電視無野好睇, 就同左阿妹玩UNO 疊疊樂, 我輸左三次
細個好鐘意玩益智遊戲, 無而家D 小朋友就一人一部NDSL... 我同阿妹都會得閒玩下UNO, MASTERMIND, 大富翁等... 好多啦, 都唔記仲有咩啦, 放晒係個櫃到, 得閒就會拎出黎同埋阿媽三個人一齊玩, 好開心!

長腳蟹烏冬

一向都鐘意食日本菜, 有一次一個人行吉之島買左盒味噌番屋企, 再加埋包珍藏長腳蟹 .... 以下就係我第一次自家製長腳蟹烏冬(味噌湯底) ..... yummy yummy! 可能我對味噌唔係咁熟, d 味都係差少少... ... 有待進步

開飯啦!

第一道上的菜係: 火腿雞柳釀竹笙

第二道係: 翠塘豆腐

是日甜品: 燕窩蛋塔(唏.... D 燕窩係邊呀? 唔覺有WOR #@&*#)

上海菜飯 & 粟米湯

南南病左啦! 唔知係未我傳左比佢! 等我將材料切絲等你容易D食啦... 有白菜仔, 火腿, 冬茹, 雞肉... 個賣相都還可以! 味道就.... I LIKE IT!


仲有仲有... 加左少少冬茹絲的粟米湯...  一人一大碗, 飽晒!!