澳門威尼斯人村

又到左一年一度gathering (男朋友大學同學re-u), 今次的活動係澳門自由行二日一夜, 住的是威尼斯人村, 食的是魚翅, 正呀!

十一月三日星期六下午三時, 我們約定在尖沙咀中港城碼頭集合, 一行十多人浩浩蕩蕩向著威尼斯人村進發! 未去之前我曾經係其他blog友睇過房相都係一般, 反而覺得位於黑沙環的威斯丁仲靚, 所以我都無咩expect.....

幾經轉折之後, 終於到左威尼斯人村啦, 我地被分配住係南翼32樓套房, 插咭先...開燈...嘩! 好靚呀! 好大呀! (原來有七百幾呎架)

望下左手邊, 嘩! 有樓梯架! 我好鍾意呀! 我就係想我屋企係咁佈置啦!

張梳化咁似我屋企個張 ? 不過係用左燈芯絨套, 都唔錯wor, 下次有岩色我都試下先!

呢條路係通去casino架, 我地兩個都有賭兩手, 我都話有叫做贏過, 南南就..... 唔好提啦! =.=

睇下幾好天, 哈哈, 係呀, 個度無論幾時都係咁晴天, 眨眼看都幾似係歐洲架!

不過如果d遊客唔係黑色頭髮的話, 會更似!

放低行李, 我地乘的士到官也街食翅. 去到之後又未有位, 唯有行下街... 呢間誠昌飯店水蟹粥好好味架, 對上一次同南南黎澳門都有食, 不過都幾大碗, 食完要抱著個肚走! 下次有機會都想再想多次...

等左差唔多大半個鐘啦, 有位啦! 一班人走上新陶陶坐底等食, 今日的主角出場啦, 無錯係魚翅呀! 睇下幾大塊, 雞湯仲好夠味, 我食左兩大碗! 嘻嘻!

食完餐飯番到酒店, 比樓下這間大招牌吸引住, 件件burger都係即叫即整, 仲要有一大班外國人排隊買! 我忍唔住叫南南買左左個比我吃, 一個要三四十元 :)

我食完個飽就好滿足咁瞓到天光啦!

第二日, 我地去左大三巴影大合照... 上次黎都唔可以上去架, 今次見佢多左條橋比人上去行, 見唔見到我地兩個呀? 揮晒手個兩個傻人呀?

而家見到未呀? 呵呵....

如果想係短時間出外玩的話, 澳門都係一個幾好玩的地方! 計埋今次都去過三次啦, 但係我都總想去, 去睇下有d咩好食好睇!

綿花蛋糕仔

一口一個, 夠晒方便! 男朋友食完以為係日式綿花芝士蛋糕, 哈哈, 係就係綿花啦, 不過唔係芝士, 係加左淡奶的日本綿花蛋糕!

靚晴晴

晴晴：媽媽你去邊呀？今晚早Ｄ番呀! 我好掛住你.....D糧呀!

廸士尼會阿Jack

十月十三日星期六, 本來約好左Dagny十一點多係東涌線等, 但係因為我地兩個晚晚開ot, 太眼瞓啦, 又要化番個靚靚妝, 結果都係好似上次去海洋公園咁遲左一個鐘先到! 相隔兩年, 大致上廸士尼沒有什麼大轉變, 唯一不同的就係人少左, 玩巴斯光年同space mountain 都唔使點排隊, 食飯又唔使同人爭, 都幾方便, 哈哈!

睇完下午三點半巡遊之後, 我地就不斷在人群中穿插, 目標就係鬼屋啦. 排左都唔算太耐就到我地啦! "KNOCK! KNOCK!" 嘩! 好黑呀! 點解咩都睇唔到架? 呀! 嚇死我啦, 突然間會"樸"出黎, 條路行極都行唔完咁! 嚇夠之後就去左SHOPPING啦, 仲同左唔同CHARACTERS影相

呢個就係我地兩個晚餐啦, 玩到唔得閒食飯, 係車仔檔買左PIZZA就算啦!

Jack, Jack.... 好型仔呀! 雖然下著毛毛細雨, 但係一見到阿Jack, 就咩都唔理啦!

睇下晴晴都望實阿Jack呀!

夜晚的睡公主城堡好靚呀! 我好想住入去呀!

吝嗇的人!

收到"無國界醫生"的捐款要請表格, 隨函附上一張相, 相裡面的小朋友來自埃塞俄比亞, 他餓得手臂直徑不知有沒有一寸... 好可憐啊!

我問同事M: 你興趣參加捐款嗎? 只需要$500...

同事M: 吓! 我無錢架, $500咁多 (但係呢位同事最近先睇左幾場大大小小演唱會!)

我: 就出糧啦, 你份糧度洗少$500都唔係好難啦!

同事M: 下... 我有都比阿爸阿媽先啦....

我: 咁你呢D未就係叫藉口, 睇下你幾自私呀!

同事M即時無聲出, 個樣仲好似我搶佢錢咁...

-----------------------------------------------------------------------------------

曾經亦都有一位朋友口口聲話好想助養, 但沒有時間上網搵資料... 剛巧我助養開個間宣明會有寄FORM黎, 咁我就順便整理好資料比佢睇. 好簡單寫個CREDIT CARD NO, 簽個名就得, 但係佢都係推說忙, 未得閒睇.... 唉, 呢D未又係藉口!

點解做善事要找咁多理由推托? 又唔係叫你殺人放火!

我真係希望有心做善事的人可以坐言起行, 唔好得個講字, 就係你猶豫個一秒就已經可能救回其他人的生命, 何樂而不為呢?

同事的last day

今日有個account department的同事化左靚妝番黎, 我以為今日係佢牛一, 一問之下先知原來係因為我team有個同事last day, 所以著靚少少想同個同事影番張合照留念... 我聽完個reason之後覺得佢好respect人呀, 好cute呀! 但另一邊廂, 我個位last day的同事又好似無想過要影相留念...

咁既然係last day 咁我地team d 人未join埋一齊同佢食個lunch啦, 唔知係間餐廳太好食, 多人到不得了, 定係班同事用龜速的關係, 去到之後就算book左位都係要等, 等到一點五都係無大枱, 結果係分左兩張枱食, 雖然只係一行之隔, 但係last day個位同事可以係當唔識我地隔壁枱咁, 理都無理過我地, 只係顧住同隔離個friend傾.... 早知係咁我就自己食好過啦, 使鬼黎同你一齊等位... 佢真係好唔識做人呀!

點解我會咁大感受? 因為再上一次, 有個client送左盒西餅比我, 放左係佢個位度, 佢竟然走去派比第二team的人食, 剩番最後三件普通蛋卷先比我擇! 我話我唔食, 第一我只係食朱古力味, 第二我個職位係全team第二, 加上team leader 話左比你知盒餅係個client送比我的, 你無理由食剩先比我! 所以話佢真係好唔識做人呀!

免費海洋公園入場券

我爸爸無咩嗜好, 太高科技的佢未必識, 但係電視機佢對得最多, 就最好畫面夠大, 等佢對老花眼唔好睇得咁辛苦  以前個個都係用29" 個時, 我爸爸就已經大晒金錢, 買部SONY 34"番黎, 足足要兩個大男人先抬得起... 不過它陪左我地差唔多十年以上就開始病啦, 有一日放學番到屋企唔見左它, 變左我平時用黎打機的20" 大陸機 ... 我有近視架! 睇到我呀! 咁岩廣播處又宣佈左年底會轉用高清廣播, 就係呢個時候, 連部細機都壞埋! 唯有買過部啦, 一係就唔買一買親就要買部好D比自己, 比我爸爸啦! 格完一輪價之後終於買左部SHARP 46" G7 高清電視, 多謝盛為HKD23,800  不過好在佢做緊PROMOTE, 送左二千元百佳COUPON, 仲有兩張海洋公園入場券, 感覺上好似無咁肉痛.... 再加上部機D畫面真係好靚, 睇戲好正呀! 抵呀!

差唔多三個月後, 即係九月廿二日星期六, 我就約左我好朋友DAGNY一齊去啦...

這天我們玩得好開心, 仲影左好多靚相

仲第一次去左水母館, D水母好靚呀, 仲影得好清楚

仲有探左安安佳佳盈盈樂樂, 佢地好CUTE呀, 又識嘆!

去完海洋公園, 十月我地兩個又去埋DISNEYLAND黑色世界!

巧克力唧花曲奇

上個星期試左一次用cookies maker 唧花,樣子很醜, 仲要由健康膚色變左做黑炭頭  今個星期我再接再厲, 終於成功掌握到少少竅門, 唧到個形, 再修改過個食譜, 調低左火力, 終於得左! 不過我覺得唔係好夠朱古力味, 下次再試下加多少少朱古力粉先!

最易唧就係呢一款啦, 我自己都好鍾意

估下呢到有幾多款

無錯係4款的!

Dagny 就黎生日啦, 我一上個月就買左份gift比佢啦, 不過今年就整唔到birthday cake, 所以就用個袋仔裝左D cookies比佢, 希望佢鐘意啦

<<巧克力唧花曲奇>>

材料:

淡牛油 125g, 糖粉 63g (我加多10g 糖), 蛋白 30g, 粟粉 45g, 低粉 45g. 高粉 75g, 朱古力粉 10g

做法:

先將牛油和糖打至鬆軟, 再加蛋白拌勻, 最後加入所有已籂粉類, 再啣出自己喜愛形狀;
預熱焗爐180度, 放入曲奇先焗10分鐘, 調校溫度至160度再焗10分鐘, 熄火後放多10分鐘使其更鬆脆

趕完deadline啦!

今日係稅局deadline, 所有埋三月數而又賺錢的有限公司都要今日交報稅表! 所以我就係為左呢個一年最忙的deadline而做到無停手, 連blog都唔得閒寫, 相都唔得閒貼...

不過咁, 忙還忙, 我都不忘玩.... 去海洋公司探安安佳佳同盈盈樂樂, 又去廸士尼玩鬼屋, 去Elements 睇 Jack, 我仲住左澳門威尼斯人渡假村

等我今晚番屋企整理下D 相再同大家分享!