十一月三日星期六下午三時, 我們約定在尖沙咀中港城碼頭集合, 一行十多人浩浩蕩蕩向著威尼斯人村進發! 未去之前我曾經係其他blog友睇過房相都係一般, 反而覺得位於黑沙環的威斯丁仲靚, 所以我都無咩expect.....
幾經轉折之後, 終於到左威尼斯人村啦, 我地被分配住係南翼32樓套房, 插咭先...開燈...嘩! 好靚呀! 好大呀! (原來有七百幾呎架)
望下左手邊, 嘩! 有樓梯架! 我好鍾意呀! 我就係想我屋企係咁佈置啦!
張梳化咁似我屋企個張 ? 不過係用左燈芯絨套, 都唔錯wor, 下次有岩色我都試下先!
呢條路係通去casino架, 我地兩個都有賭兩手, 我都話有叫做贏過, 南南就..... 唔好提啦! =.=
睇下幾好天, 哈哈, 係呀, 個度無論幾時都係咁晴天, 眨眼看都幾似係歐洲架!
不過如果d遊客唔係黑色頭髮的話, 會更似!
放低行李, 我地乘的士到官也街食翅. 去到之後又未有位, 唯有行下街... 呢間誠昌飯店水蟹粥好好味架, 對上一次同南南黎澳門都有食, 不過都幾大碗, 食完要抱著個肚走! 下次有機會都想再想多次...
等左差唔多大半個鐘啦, 有位啦! 一班人走上新陶陶坐底等食, 今日的主角出場啦, 無錯係魚翅呀! 睇下幾大塊, 雞湯仲好夠味, 我食左兩大碗! 嘻嘻!
食完餐飯番到酒店, 比樓下這間大招牌吸引住, 件件burger都係即叫即整, 仲要有一大班外國人排隊買! 我忍唔住叫南南買左左個比我吃, 一個要三四十元 :)
我食完個飽就好滿足咁瞓到天光啦!
第二日, 我地去左大三巴影大合照... 上次黎都唔可以上去架, 今次見佢多左條橋比人上去行, 見唔見到我地兩個呀? 揮晒手個兩個傻人呀?
而家見到未呀? 呵呵....
如果想係短時間出外玩的話, 澳門都係一個幾好玩的地方! 計埋今次都去過三次啦, 但係我都總想去, 去睇下有d咩好食好睇!
酒店好靚呀,攪到我都好想去
回覆刪除[版主回覆11/28/2007 10:06:00]book房個時記得話要住套房
我都想去呀, 但10月同兔爸去時因為撞啱展覽, 所以full哂! 不過都有去到參觀! 唔知真正住會唔會只在酒店逛已經不用出外逛呢?? 下次一定要去住下先得!
回覆刪除[版主回覆11/28/2007 10:09:00]可以花多少少時間享受下d facilities, 不過shopping 就唔岩啦, 一來全部都係名店, 二來又貴過香港, 我行過ZARA係貴幾廿元架!
嘩...間酒店房真係好靚吖!!! 攪到我都好想過Macau玩下tim...heheee
回覆刪除[版主回覆11/28/2007 10:11:00]靚架, 二人世界都幾岩架, 係就早d啦, 好似話遲d會加價呀
我同你去玩的地方都差唔多啊 , 威尼斯人真係好靚
回覆刪除[版主回覆11/29/2007 09:41:00]係呀! 不過唔同日子, 如果唔係可以我地唔知係邊度見過面tim呀! 哈哈
我上次去睇NBA都覺得個度好grand~
回覆刪除