Astrology

Just found this website from AppleDaily online regarding Astrology - http://www.astrologyzone.com

豬事不順

睇d生肖運情又話我今年有吉星, 要風得風要雨得雨... 但係我都未有要求, 又年初一到今日年初六我都各得"豬"事不順... 無論家庭, 愛情, 公司定健康都有d野令我唔開心... 聽日係人日啦希望生日之後, 會好d好啦
哎呀! 岩岩又有衰野啦! 我擋!我再擋!

情人節晚餐

其實唔一定要有d咩特別大餐, 只要兩個人一齊就已經好幸福
le個係我地第8個ge情人節餐: 鱈場蟹腳火鍋 + 牛油焗煙肉帶子

情人節禮物

我送給他的情人節禮物 - PDA Phone (SoftBank X01HT)

他送給我的情人節禮物 - Diamond ring (from ctf.2)

非君不嫁 --- 不嫁

送首歌比你.....

和他消失火花心要硬拖拖拉拉心要死凡事也有限期　捏緊一泡空氣　縱使死心塌地
仍受氣　假使爭氣　往事當一套戲

和他一起假使不快樂應該早一點跳機
無謂傷到真氣　就當純屬運氣　換那份權利擁有他
純嬉戲　我的傷悲　獨個看戲要哭至想起

＊忘記了他　卻極愛他　我甚至想非君不嫁
　還幼稚到　心底無暇　然後給他刮花
　既沒有他　也別愛他　自由地逛過雪月與風花
　真愛若必須公價　如果那代價不菲　也不怕
和他分手等於給我　尋找新風景不要緊
磨滅當初心癮　便發現誰亦襯　別理會誰贈愛情運
誰走近　煥發身心　忘記過去也不算損失

REPEAT＊

要放生他　才讓我內心一朵花萌芽新情人也許　能代替他

想　定會想他　我甚至想非君不嫁
還幼稚到　心底無暇　然後給他刮花
既沒有他　也別愛他　自由地逛過雪月與風花
真愛若要等一下　隨心放任變得牽掛　不怕

未來一位總會等待我　別怕

因為我找到另一位, 所以我唔嫁!

第n次求婚(完)

尋日走左去jewellery shop到睇鑽石介指, 原來d燈打落黎個下都幾靚, 見到有隻半cart的都賣過萬五, 咁佢用黎向我求婚個隻一cart介指未好貴lor! 有個friend仲話愈大粒代表佢ge誠意愈大...諗諗下..好似對上個次都係半cart咁上下, 今次仲黎個double tim... 個friend仲抵死話下次未2cart, 再下次未4cart? 哈, 比佢激死啦, 你咁鍾意比你啦! 唔通d阿豬阿狗拎住隻介指過黎就仆過去咩, 當我係咩呀 =.= 其實唔理佢拎住d咩黎求婚都好, 我都唔會感動架啦, 佢係我眼中都只不過係一個無關痛癢的閒人. 唉!算啦唔好再理佢啦!

講番尋日行jewellery shop, 我見到有個男人好認真咁擇緊介指, 我已經想像到個女仔收到之後會有咩反應, 個種心思我好欣賞. 其實大大話話都拍左十幾年拖又好似真係無咩邊一個情人節係我最難忘, 最值得回味的. 今年的情人節又唔知會係點過呢?

LA ROCHELLE

近幾個月開始學下打扮同護膚, 想個人靚d, 自己睇落去都開心d. 上個月去韓國Skin Food, 一入去就一人一包Rice Mask sample, 反到黎香港試下用, 覺得都唔錯, 就開始上網search關於去角質, 搵下d 岩自己用的. 本來想去萬寧買O'slee peeling gel $59.5, 點知搵左好多間都無得賣, 上web睇話Angle有, 今日趁lunch就飯都唔食走左去睇, 點知原來係無左啦   結果我買左le支La Rochelle Paris的深層潔面啫喱(one-step express cleansing gel), 可以清除暗瘡, 黑斑, 黑頭, 毛孔粗大, 粉刺, 雀斑等等... 10ml $79, 130ml $790 (30% off $553), 250ml $1,975 (50% off $988)... 我揸住部計算機計左一輪, 250ml 係抵好多... 個sales仲送多支30ml比我, 值$237.... 返到公司, 比Fionn同July試,  正呀... d dirty 野走晒出黎... 我送左支細比Fionn 用, 等佢都靚靚...哈哈哈...到左六點幾, July打黎問我係咩brand name, 佢又去買支用....哈哈哈...我未叫佢唔使buy住, 你唔介意可以share用或者我地一齊buy, 我入左member有discount 有好野梗係要同至 friend分享

Conrad Hong Kong (相)

兩個漢堡飽, 兩件羊脾加一條腸.... yummy yummy

第n次求婚(二)

身邊朋友不停地說: 應承嫁俾佢啦, 又有鑽石, 又有大屋, 唔好再等屋企個個開金口啦, 佢係度拖緊時間, 唔想負責任, 唔通真係等到三十歲先嫁咩. 而家有機會俾你做灰姑娘, 要趁後生把握機會, 唔係你會後悔...... (下刪百多字)  鑽石, 大屋, le d 都唔係我想要ge, 就算無錢只要係兩個人一齊共同為將來努力, 兩顆心連在一起, 我已經好滿足啦.  無論是他還是他, 都沒有問過我將來的生活想怎樣過... 一個只以為用金錢物質就可以比到幸福我, 另一個嘴邊常常提著"我將來要點點點", 而不是"我們"...
而我呢? 我自問唔係一個恨嫁的人, 我只不過覺得到了某個階段要組織一個家庭, 人生才會美滿.  以前d同學仔會話我一定係最早結婚的一個, 因為身邊d男仔永遠當我公主般看待, 好想做我的白馬王子, 但我只會苦笑. 而家人大了, d同學仔都一個一個結婚生仔, 做緊少奶仔啦, 唔知係未我腳生得長, 細個時老師實派我去跑長跑比賽, 我估唔到就連愛情都變左做馬拉松式. 其實老師, 我唔鍾意跑長跑架, 我會無氣, 我頂硬上咋.

不過算啦, 自從前一陣子吵了一場之後, 我已經知道答案啦, 而我的人生目標亦有所轉變, 公主仍然係公主, 而王子都仍然係王子, 童話故事的結局只會話佢地兩個從此幸福地一起, 有無見過佢地舉行婚禮?

朋友F問: 咁你嫁唔嫁俾佢呀?
我鐵定的說: 唔嫁, 我同佢都無交往, 係佢自己一廂情願.
朋友T又問: 咁阿邊個呢? 你嫁唔嫁?
我答: 唔想諗, 已經過左expiry date 啦.

第n次求婚

如果有一個男人拿著一隻一卡的diamond ring再加一間千呎的大屋的門匙, 跪著對你說你嫁比我啦!  你會有什麼反應? 興奮? 感動? 即刻應承? 
我曾經幻想過我生命中的王子會拿著一束紅玫瑰和一隻鑽石介指跪著: 嫁比我...
然而今天...一個有條件的男人, 火紅的玫瑰同閃爍的鑽介都出現, 但卻沒有那種心動的感覺.. 點解? 因為人物同時間都出錯!
人物: 他...不是我要嫁的人, 他或許是付出最多, 最愛我的人, 但他卻不是我所愛的.
時間: 我"想"或者是"應該"在上一年結婚, 但結果2007年元旦那天, 我第一件想到的事是我嫁唔出, 對婚姻我感到失望遺憾, 其他的情侶都會彼此計劃著將來, 而我呢? 將來的路是一個人走還是有人伴隨, 我還不知道. 要結婚的卻不願負上責任, 不愛的卻在這時向我第n次求婚. 他對我求婚的一刻我哭了, 不是因為感動而落淚, 只是為自己的孤單而痛哭.

Conrad Hong Kong

岩岩個星期六同南南去左金鍾太古廣場個間Conrad Hong Kong食自助餐... d 海鮮好鮮甜呀... 我最鍾意就係食長蟹腳啦... 不過我平時好少食.. 唔識咬, 好彩有南南幫我成條整到出黎食... yummy yummy