身邊朋友不停地說: 應承嫁俾佢啦, 又有鑽石, 又有大屋, 唔好再等屋企個個開金口啦, 佢係度拖緊時間, 唔想負責任, 唔通真係等到三十歲先嫁咩. 而家有機會俾你做灰姑娘, 要趁後生把握機會, 唔係你會後悔...... (下刪百多字) 鑽石, 大屋, le d 都唔係我想要ge, 就算無錢只要係兩個人一齊共同為將來努力, 兩顆心連在一起, 我已經好滿足啦. 無論是他還是他, 都沒有問過我將來的生活想怎樣過... 一個只以為用金錢物質就可以比到幸福我, 另一個嘴邊常常提著"我將來要點點點", 而不是"我們"...
而我呢? 我自問唔係一個恨嫁的人, 我只不過覺得到了某個階段要組織一個家庭, 人生才會美滿. 以前d同學仔會話我一定係最早結婚的一個, 因為身邊d男仔永遠當我公主般看待, 好想做我的白馬王子, 但我只會苦笑. 而家人大了, d同學仔都一個一個結婚生仔, 做緊少奶仔啦, 唔知係未我腳生得長, 細個時老師實派我去跑長跑比賽, 我估唔到就連愛情都變左做馬拉松式. 其實老師, 我唔鍾意跑長跑架, 我會無氣, 我頂硬上咋.
不過算啦, 自從前一陣子吵了一場之後, 我已經知道答案啦, 而我的人生目標亦有所轉變, 公主仍然係公主, 而王子都仍然係王子, 童話故事的結局只會話佢地兩個從此幸福地一起, 有無見過佢地舉行婚禮?
朋友F問: 咁你嫁唔嫁俾佢呀?
我鐵定的說: 唔嫁, 我同佢都無交往, 係佢自己一廂情願.
朋友T又問: 咁阿邊個呢? 你嫁唔嫁?
我答: 唔想諗, 已經過左expiry date 啦.
"預備好未?" um... 係呀, 有d朋友都問我ready未, 我唔知道呀, 我好怕將來的生活唔係我想像中的一套, 要大家彼此配合先可以得到幸福 我問始對婚姻產生恐懼, 我對於愛情沒有信心, 今日我可以好sweet sweet, 但係一轉個頭我可以失去一切, 儘管我哭得聲嘶力竭仍會被絕情的拋棄
回覆刪除