傾訴對象

由細到大我比人的第一個感覺係好cool. 仲記得大學個時成班同學一齊去睇星星, 半夜個時十幾個人圍埋一齊講下彼此的感覺, 有個男仔就話最記得第一日番學佢帶左相番黎, 其他人都圍過去睇係我一個自己坐係度唔埋堆... 哈哈... 係因為個時我以為係你地識架, 我又唔識你無理由中個頭埋去架 =.=
另一個女仔就話聽我提過唔係好鍾意個時個男朋友, 但係有一次佢係街到見到我男朋友, 原來係當時大學的校草, 感覺我地兩個好都cool, 都唔敢過黎同我地打招呼... 哈哈... 我地個樣嚇親你地呀? 唔好意思wor...
不過原來熟左之後佢地知我好多鬼主意, 我仲做埋我地group的活動搞手tim >o<
真係好想變番以前咁, 一大班人嘻嘻哈哈, 唔開心個時又有人陪有一大班人安慰... 我同另一個同學都好多野講, 但係無論幾時都有人會比反應, 嘻嘻哈哈又一日....
而家個個都大啦, 各自各精采, 想搵一個好的傾訴對象好似有D難, 就連最親密的人都會好嫌我煩話我無聊 好唔開心, 我諗我要學會忍... 就算有咩事都要忍, 我願意同人分享的同時人地未必想聽!  哈! 無人聽個時我會係廁所對住鏡又或者牆自己同自己講, 笑過哭過就算啦! 又或者抱住晴晴話比晴晴聽, 佢就會眼仔碌碌咁望住我, 好似好明咁! 多謝你呀晴晴BB~

破財! 擋災?

d睇相佬話個鼻頭生瘡代表破財, 近排唔知做咩皮膚敏感, 個鼻頭就起左粒細細瘡, 就係le個時候屋企部電視畫面好模糊, 仲以為自己d散光深到咁...哈哈... 結果星期六個日碌左二萬幾買左部電視... 不過原來咁樣都唔算破財...尋日我上網check數, HSBC收左我$931 late charge呀! 我只不過係過唔到數,遲左一日補轉就咁啦, 岩岩打左去card centre問, 希望可以waive啦 =.=

破左財唔知擋唔擋到災呢??

我哭了!

靚嗎隻介指, 個個見到都問隻介指有特別意思嗎? 求婚介指呀? 幾時結呀? 到時記得請我飲呀! 吓... UM.... 無特別意義架, 普通介指一隻, 講真呀... 帶左上手我都唔會特別興奮, 反而係一隻有意義就算係細細隻我會更開心, 當佢係寶
上個星期五同個FD食LUNCH, 好開心呀, 佢大左肚, 八月就係預產期啦, 佢仲叫我快D都生番個, 唔係過左30就變高齡產婦, 大把野要CHECK... 哈哈... 我婚都未結, 點生呀??? 講講下佢岩岩知我拍左拖8年, 問我怕唔怕7年之癢, 仲話拍左咁耐都唔結就唔使結啦, 個男人都唔係一個負責任的人, 無理由係咁拖... 諗諗下, 又係WOR, 曾經有一個男仔為左第日同我結婚而努力, 雖然而家我地唔係一齊, 但係我都好感動, 我知道我係佢心目中的重要性, 佢會話比我聽佢計劃係點, 比到安全感我, 到而家佢都仲等緊我... 我好多謝佢!
本來我都唔係好急等嫁個D人黎架, 但係LE一年太多人迫我結婚啦, 我以為我可以處之泰然, 但係"不負責任"這幾個字係咁係我耳邊轉, 好煩呀! 我好唔開心, 昨晚回到家裡, 合上眼睛, 淚水從眼角偷走, 我終於哭了!

8th Anniversary

一九九九年六月十一日, 岩岩失戀的我遇上左你, 不經不覺已經走左一起八年啦
HAPPY 8TH ANNIVERSARY
"8" 有人話係一個轉捩點: 繼續維持著男女朋友關係直到永遠, 結婚生子百頭到老, 又或者係關係轉淡各自各精彩?
我係屬於邊一個呢? 未來的事我不知道, 但係LE一刻我好清楚知道我需要轉變, 我唔想停滯不前, 原地踏步

晴晴換新LOOK

本來想買把剪自己幫晴晴剪毛, 但係又唔知去邊度買, 唔知買邊把好, 結果一拖再拖

 LE幾日都熱到成三十度, 我著晒小背心熱褲加人字拖就算坐係度唔郁都熱到成身汗, 難為我晴晴大熱天時重著住件FUR   於是乎星期日唔再等, 拎落去樓下8號兔比$120人幫晴晴剪毛!

LE個就係剪毛前, 幾似隔離隻獅子

剪完番屋企, 嘩, 正呀, 好舒服呀, 瞓下先

開左冷氣, D先又短左, 聽到袋聲即刻9秒9跳上黎, 連D碎都唔放過

剪走左好多毛, 個SIZE細左個碼, 又變番我個可愛GE
晴晴BB 啦

(今日係六四, 係大日子, 唔係什麼民運, SORRY, 我政治意識比較差, 而係上年GE同一日係旺角仲係落緊滂沱大雨的時候, 我同南南係紅蘿蔔帶左晴晴番黎.. 
晴晴.. 我愛你呀...啜卜~~~~)

晴晴爛咀仔呀!

我一向都好鍾意晴晴個咀仔架, 成日都同晴晴講話你好sexy呀... 不過... 近排我發現晴晴兩邊咀角痴住d污糟野, 啡啡地色, 初頭我以為佢係食完野d汁痴住草碎, 但係晴晴咁貪靚成日都抹咀, 照計唔會咁耐都仲係度架... 尋日我等佢飲水個時睇真d...好似係結"焦"wor....
唔... 晴晴呀, 你個咀仔仲咩野呀? 媽媽好擔心呀, 瞓緊覺定做緊野都諗住晴晴....
晴晴呀, 希望你快d好番啦, 唔好有事呀 =.=