大難臨頭各自飛？

今天心碎了。。。。。很委屈的。。。

我自認是個吝嗇的人 但從第一天認識他開始每當需要經濟週轉時我都出手幫助
最近由於轉換工作環境關係 收入一下子大跌 他整個人也變了 眼睛沒看我一下 耳朵沒聽到我說話 當大家意見不合時 他會用最大的聲音 用最難聽的字罵我 淺踏得一文不值

今天最令我surprised的是罵我大難臨頭各自飛？！

十一個月啦~~

時過得好快呀, 已經結左婚十一個月啦~ 婚後都多左好多野做, 每一日都有唔同的事要做, 為的都是這個新家 不過都有開心的時間... 因為日日都可以同南南一齊, 日日都可以攬住一齊睇電視, 每個晚上, 就算我先睡, 都會感覺到他親了我一下, 第二朝又有morning kiss, 上車前又有goodbye kiss.....

工作之餘, 今年我地去左三次旅行  當然唔少得就係一月的蜜月旅行 - 澳洲,  之後十月去了三日兩夜澳門, 還有十一月的沖繩之旅呀!

希望趁這個月比較悠閒, 可以post旅行的相 ~~

找一個對自己有要求的人

理想伴侶應該是一個對自己無論是外在和內在都有要求的人!

先說外在美, 不是指樣子要長得如何俊俏秀麗, 而是要保持個人的整齊乾淨... 最起碼要定時修剪頭髮, 要有充足的睡眠, 不要整天掛著一雙熊貓眼, 垂頭喪氣的樣子....  還有合時稱身的衣著都會令你加多一點印象分呢!

試想想, 當你花了一些時間悉心打扮, 另一半卻衣衫不整, 蓬頭垢面出現你面前, 那一刻什麼的雅興都跑掉了... 要知道適當的打扮代表著對對方的尊重和基本的禮貌啊!

至於內在美, 當然是學術修養... 不斷的更新知識, 緊貼著社會潮流, 為自己增值, 改善生活模式... 你能容忍住在滿屋雜物, 亂得像垃圾堆中的日子嗎?

Home Made Sandwishes

以前每朝都有爸爸整的腿蛋治或者是芝士火腿治做早餐, 不過結左婚之後就再無食過啦

今朝 (15/6)一早..... 南南係廚房度整整整整整.... 到我刷完牙換好衫出黎就見到飯枱有兩份芝士火腿三文治  yeah! 今日有早餐食啦!

(我阿頭叫過我唔好十點幾仲食早餐, 不過佢自己又係房度開大門鬼鬼祟祟咁食, 我最憎假公濟私的人  我今日專登係佢面前慢慢食, 食到十點幾, 吹咩 )

第十個紀念日

最近常常都聽到別人問: 人生有幾多個十年?



數數手指, 今日就是我與他相戀的第十個年頭...  從前拍拖最長的都不過一年, 但不知為何卻與他慢慢的一步一步走到第十年...



而最幸福的是今年一月我們結婚了! (笑)

Be TOUGH

爸爸上星期六入院割盲腸. 本來個多小時的手術卻延長至三個小時. 原來開刀後發現小部份小腸和大腸都發炎至糜爛, 結果小手術變成大手術, 藥費由萬多元變成十幾萬. 在手術房外等了四個小時, 看見爸爸手術成功, 媽咪才展出笑容. 往後的幾天, 媽咪都差不多廿四小時陪著老伴, 直到今天爸爸已可以落床走動, 挨病了的她才回家休息.

婚後的生活與我憧憬的還有一段距離, 我感到孤獨無助, 曾多次想跑回娘家, 懷念以前與爸爸媽媽聊天的快樂時光. 我想告訴媽咪我不快樂. 但眼見媽咪又要陪伴爸爸, 又要抽空煲補品照顧虛弱的我, 我吸了一口氣, 把要說的話吞回肚子裡.

一個人的時候, 想起了從前與爸爸媽咪的歡笑聲, 我會流淚.
夜了看著枕邊人慨嘆仍叫我做"阿喂", 我會偷泣.

但無論生活變成怎樣也好, 我們都要 BE TOUGH!

astrologyzone

最近打開"我的最愛"找到一個關於星座運程的網頁, 每個月都會好詳細講解家庭, 事業同愛情的運程, 都幾準架!

當想不到解決辦法時就會問一問個天

工作方面: WA! 佢點知我想轉環境架! 我真係想轉行, 想做自己有興趣又開心的, 因為而家呢間死人會計師樓好賤 (係要用賤先形容到)

You may be considering a move or planning an upgrade to your present surroundings. Or you may simply want to streamline your surroundings by eliminating clutter and by reorganizing your space. If you need to move to a new address and have been unable to find the right space, the first two weeks of March are when you'd most likely find one that you love. Keep looking!

愛情方面: 係呀! 我有野想同佢講呀, 但係佢又忙無機會比我講, 真係今個月可以解決問題? 我想試下

If you are together but not fully committed, you may have a change of heart about your partner or choose to slow down a new relationship that has moved forward a bit too quickly. Or, if you have been together a long time, you may discuss an old wound or problem that has troubled you or your partner for quite a while and has prevented deeper love from flourishing. If there is, use this time now to find closure.

source from: http://www.astrologyzone.com/forecasts/monthly/scorpio_full.php

Godiva@情人節

除了GOVIDA同玫瑰花之外, 這一晚他還煮了帶子, 中式牛柳, 蒸桂花魚... 不過... 因為我太多天睡眠不足, 使我這天頭痛得很... 未吃完就要睡了, 留了他一個人在廰... 我真的很想出去陪他, 但我又不爭氣, 頭太痛了!

多謝你為我準備的情人節晚餐!

結婚週月紀念

前兩日係我地結婚一個月... 咁快又一個月啦! 本來我想食buffet, 但係第二日佢又要上大陸, 唔想咁趕, 所以我就話第二日先食buffet啦, 而個日就係市中心意粉屋食我最愛的ribs... 雖然只係簡簡單單一餐飯, 但係都好開心啦!

最好笑係佢同我d 同事都係話使唔使二個月三個月都要慶祝...

哈哈.... 其實都係比個藉口大家出去食好d, 同記得為對方許下的承諾!

希望以後還會有更多更多週月週年紀念!

窩心的早餐

以前每朝起身爸爸一早就預備好早餐放係張枱, 開定門等我追車...而家結左婚一日三餐都要自己買... 開左工一個星期啦, 食過一兩次早餐jar =.=

不過昨天早上, 當我在月台等車時, 還有五分鐘列車先到... 在最後一分鐘時, 他提著大包小包 (公司貨上大陸) 趕過來月台, 送上一條長長的麵包 - 係我好想食個隻呀!

番到公司食住個包, 食到十一點, 都好sweet 呀!

即食麵@元宵節

今日架車開得好快呀, 六點九就到屋企啦.. 今日係中國情人節, 唔煮飯啦, 等埋佢一齊番黎食個飯之後不如自己整湯丸啦!

等下又一個鐘, 等下又一個鐘, 電話又無個, 公司電話同手提都係無人聽... 點架? 我好擔心佢唔知有無事...

結果等到九點, 終於番黎啦! 我都無心情食飯啦, 我等左兩個幾鐘啦! 佢一番到黎就入廁所食煙... 唉... 又唔知等幾耐, 我餓到傻! 佢食煙都飽啦... 唔等啦, 煮左個即食麵就算啦! 湯丸? 無心情啦!

結婚之後的第一個元宵節就係咁過左啦, 真係特別啦!

婚後的第一個工作天

由x'mas開始至農曆新年斷斷續續地放了成個月假 (中間只係番左四日工) 昨天年初八開工, 也都是我婚後第一個工作天.... 比多$4轉車趕那班特快村巴, 未到八點九就到左公司啦...開工第一個job就話今個fri deadline  無做成個月, 對於部電腦都有點陌生.... 公事對我來說一向都是放到最後, 成個下午隻job我無開過, 反而係draft左個菜單, 諗緊黎緊呢幾日食咩餸.... 終於等到放工啦, 落左車試下一個人走去新墟買餸, 點知原來七點就收晒啦, 無野好買... 走到裕記隔離間菜檔想話買薑, 個賣菜婆話我地買一舊少, 態度極之差!!!! 估唔到第一餐晚就咁, 我好憎佢, 不過我堅持要買齊材料, 我地去左百佳快快手手買埋去.....

回到家都八點啦, 我煮飯好慢架, 所以我係公司時已經plan好左個time, 如果唔係我絛得玩啦! 今次整左兩餸一湯: 蠔油菜心, 薑蒜雞翼及粟米湯.... 八點九啦, 完成, 有得食lu! 食完之後, 雖然我唔舒服, 但都快快手手幫晴晴bb換過籠底板同廁板, 掃埋個地, 沖埋個涼... 十一點啦! 終於可以繍花啦! 繍左幾行又到十二點啦, 本來想打一陣blog, 一打就一點半啦! 好累呀!!!!

新婚真的快樂?

見其他blog友仔新婚都會同老公周圍去, 好enjoy婚後的一切.... 但係點解我好次... 感覺唔到他的投入.... 結左婚兩個星期啦, 佢未叫過我一聲"老婆" (等左好耐) 或者其他甜言蜜語   到目前為止聽得最多係叫我"粉腸"同"收聲"!  當日結婚的相佢又無問我拎黎睇, 比佢睇又叫我收起去, 好似怕比人知咁... 去honeymoon都唔係好sweet姐, 同平時無咩分別, 未就係多隻好鬆的婚介吧了!  同行還有兩pair人係新婚, 係車上面都有kiss kiss.... 我地.... 無呀! 

以前年三十到年初二都會去阿婆度食飯, 我同佢講一齊去, 佢又唔肯, 話有無比過時間佢去佢大嫂到.....咁好啦, 結左婚我跟你啦, 人地話初一去男家, 初二先回女家... 咁初二先上去啦..... 點知今日初一未又係屋企.... 佢仲話初二下午上佢大嫂到.... =.= 今日悶左一日 =.=

聽日初二, 出去派利是啦... 不過佢都無同我一齊入利是.... 話晒第一次, 點解會唔投入?? 

拎住袋利是準備入的我再一次問自己: 我似新婚嗎? 我快樂嗎?

牛年快樂

結婚之後就即刻去左honeymoon, 番到香港就要大大大大大掃除... 點解? 因為間屋周圍都係袋, 結完婚之後的物資, HONEYMOON手信, 我搬過去的衫褲鞋, 仲有就係佢平時D野亂放.... 結果汁屋汁到年三十晚, 緊緊趕得到十二點前用柚葉沖埋個涼.... 真係好累呀! 我個眼圈大到跌左落黎呀! 所有相我都未得閒UPDATE, 連晴晴都無得出黎玩, 一副可憐樣

踏入十二時, 總算打理得七七八八, 去了附近的年宵市場逛了一會, 買左個大風車同年花  我唔識插花, 花了我半個小時用把花剪亂弄, 看, OK嗎?

派左第一封利是... 比我個晴晴BB

祝大家牛年快樂!

X'mas@椰林閣

今年平安夜雖然只係係樓下間椰林閣食X'MAS大餐, 但係都好開心啦!

DINNER@和民

cranberry + stawberry 汁: 顏色好靚呀! 仲好好飲! 咁岩有人係門口比左張free drink coupon 我地先有得飲

個傻佬叫先識笑

簡簡單單煙肉pizza, 唔錯!

yummy!

追、求、訂、結

追‧印象中沒有, 不知為何我們會搭上, 然後因為習慣我們走到現在(9年)

求‧一扎玫瑰花加一隻年多前送的diamond ring, 草草說句結婚, 沒有甜言, 沒有承諾

訂‧(空白) skip 左

結‧唔知會係點



我開始害怕婚後生活, 我怕你會繼續sleeping, 繼續拖, 繼續lazy...

十年後回頭望, 空白一片

「拖」‧字訣

「我好忙呀, 唔好煩我, 要過左十一同十二月先得閒」

我聽完之後, 呆左! 我地個婚期雖然係出年, 但係唔好忘記係一月十日呀, 過左十二月先得閒, 餘下十日時間夠嗎? 訂得到嗎?

我聽完之後好擔心呀! 一早知自己十一月要開例會點解我一開始早d prepare 婚禮又唔肯?

  因為你一直都無理會過訂心水酒席係幾難, 結果我訂唔到 我到現在都仍說服自己場地唔係一個問題, 最緊要過程

 因為你太遲book花車, 我一早睇中的花車佈置已經唔接order  我唯有同自己講無所謂啦, 我慶幸自己一早訂左最愛的花球

    係十二月七日過大禮前, 而這一天亦都提醒左我地距離婚期唔夠一個月有好多野要confirm ~~ 我害怕  

 你還未connect printer, 我print唔到我design左logo係信封面

 無左printer, 我print唔到invitation card

 到時一隻dvd都無, 因為你一張相都無scan過就整壞desktop, 除左我迫你睇個一日, 你就無睇過相啦 (10/12 前點比呀? )

 我買唔到鞋, 買唔到項鍊 (行過一次半次咁大把)

 我訂唔到D90, miss左好多野 (上年又係因為太遲訂唔到機去南非, 好想用部好d 機影底我你仲有晴晴的每段時光)

 你都未汁好間屋, 我d野都唔知放邊

 變成最悶的婚禮, 無遊戲, 無野做

仲有........ 好多好多, 距離我dream wedding好似好遠.... 我降低自己要求, 呢樣又唔整, 個樣又算啦... 就快連個意義都好似無啦 (我一生人的願望~~~童話式婚禮)