Our 1st wedding anniversay~

轉眼間就一年啦, 我覺得自己好幸福呀!  一月九日係南南生日, 一月十日就係1st wedding anniversay, 今年我地會係disneyland 過... 好開心呀!

相片包裝女工

過左半年啦, 岩岩先晒左大部份的相, 星期六晚分相分左好耐呀, 昨天我就再用A4紙print上賓客的名再加上wedding logo, 再逐一包好... 雖然好似好無聊, 但係整好之後好有滿足感

婚禮 - 成長片段

我曾經用過software整過picture slide, 表達的方式好簡單, 不外乎轉出轉入, 淡出淡入, 最多都係加多幾隻字... 想自己DIY整一個見得下人的, 所花的時間真不少, 所以都係比人整好d.

多數的人都會選由BB開始的成長照片, 但我覺得應該用最能表達兩人感情的生活照... 而旅行時所留下的一點一滴是最值得回味的... 第一年拍拖我們去了韓國漢城, 第二年去了馬來西亞, 之後再去過泰國曼谷及芭提雅, 杜拜, 澳門, 日本東京迪士尼, 中國上海, 韓國首爾滑雪, 南非開普敦好望角...  每一次的旅程都代表著我倆的轉變....

籌備婚禮的過程中, free左兩隻成長片刻. 其中純美新娘package提供左六種模式, 一係就一個背景不停出相, 太悶啦! 同我自己整無咩分別... 其他好似都係用卡通動畫, 但係無一個故事適合...  放棄這隻DVD最多都只退回一百元. 為了不與旅行相重複,  所以就選了所謂的成長照, 看一下出來的效果....  其實個效果不錯, 但始終沒有那種感覺, 加上到後來我發覺他選錯了一張相, 所以我決定BIG DAY當日一定不會播. (其實個效果都不差, 我都睇左好多次, 只係有張相唔岩)

另一隻free DVD就是由皇潮匯包辦的. 記得曾看過別人的片段, 雖然比較傳統, 沒有卡通, 但中間都會有婚介, love字眼... 所以我就決定用旅行相再加我最愛的love song, 至少我覺得總好過配一些豪無關連的卡通... 而這一隻DVD最後用作其中一個晚宴問答遊戲....

一隻又唔播, 另一隻又用作問答遊戲, 咁March-in前會播什麼片段呢? 因為之後上web找到一間台灣公司叫易雷希, 只要upload相同去銀行過數, 幾個工作天就可以download.... 開始的時候會有一段卡通片, 主角係跟我地兩個樣黎畫, 之後先會出相同歌....  整呢一隻碟時間好險, 一月二日先整相, 結婚前一天先download...  (雖然同左成二千元去整, 但係效果好好, 好多人都係第一次睇這種片段, 都好值呀!)

婚禮 - MAKEUP (4)

見仲有時間, 換左銀色晚裝再繼續影相....

敬酒時配戴金器, 成個look沒有全紅晚裝的那種俗氣.... 紅金色晚裝配金色波鞋, 再加上簡單造型, 敬酒時都無咁"輪盡"

送客時再次換上銀色晚裝, 配上另一個造型, 一樣咁得呀!

婚禮 - MAKEUP (3)

只花十多分鐘時間就變成婚妙look, 加上閃爆皇冠同項鍊, 望住鏡中的自己, wu... 心目中的公主look呈現眼前啦!

到march-in時, 又轉左另一個頭, 我都好鍾意呀, 唔捨得咁快又換走去!

我超愛這個頭飾, 著這套晚裝時我原以為只配襯紫色飾物, 但當晚sumsum拿出這件頭飾時, 嘩! 又一驚喜! 又有紫又有綠, 襯到絕呀! 勁呀sumsum!

婚禮 - MAKE-UP (2)

BIG DAY當日其實自己都無提供造型照比sumsum, 只有三個要求: 第一就係褂頭一定要鮮花(媽咪要求, agnes b 都有送五朵鮮玫瑰做頭花); 第二行禮時要帶閃閃皇冠; 第三梳起晒頭髮.

最無信心的係褂裝, 總覺得會成熟不太似我.. 但那天早上, sumsum幫我燙鬈了髮, 再用髮夾固定位置... 啊! 好可愛呀, 有d 公主feel... 我愛死了!

婚禮 - MAKE-UP (1)

除了酒席難book之外, 化妝師都好難book架, 特別係有信譽, 富經驗的就更難.

第一次試妝是金都Angel Wong, 因為被櫥窗誇張頭飾吸引, 所以試一試, 順便看看哪一款造型適合自己... 單是貼雙眼皮膠紙都用上大半個小時, 上那又厚又白的粉又一個小時 (心想我有這麼多瘕痴嗎?), 胡亂set頭又一個小時, 結果... 我以為玩化妝舞會, 嚇死人啦! 弄了這麼久竟畫了個貓眼, 頭髮像在怒哮!

之後在wedding magzaine見到sumsum的ad, model的眼妝與自己平日化妝很似(當然我化妝技術只是皮毛), 半夜時試下send個e-mail約個時間試妝, 結果試妝當天, sumsum很熟練地用手塗了幾下eyeshadow, 哈哈, 已經很開心, 我同朋友仔打個眼色, 就是這種啦! 叮一聲的感覺!

可以睇番的之前試妝的相比較之下, big day個日靚好多呀! 呵呵!

婚禮 - 花車&花車公仔

對於花車我沒有多大的要求, 唯一想找的就是黑色!
起初見好多人都爭LONDON TAXI, 什麼紅色, 紫色, 我都覺得幾靚, 但係男朋友唔鍾意, 所以就放棄啦!

大日子前三個月係時候要找一找花車的資料啦! 有想過用勞斯萊斯, 但花錢在這裡又不是太值... 用自己新車, 難道新娘新郎做司機嗎? 婚宴後酒後駕駛? 最後都是簡簡單單, 平治同寶馬之選....上左esdlife, 找了幾個個體戶, 比較過價錢... 決定用Mr. Tsang 的BMW 523i! 我好鍾意呢部車, 因為我地兩個係車展都試坐過, 佢仲好想擁有它呢! Mr. Tsang佢好好人, 會suggest個rundown同邊一款van, 仲有計到最平... 架車仲包埋佈置, 到時比個公仔佢就得啦!

至於花車公仔, 好多人都以為我會用mickey mouse, 咁就大錯特錯啦! 想了又想, 用咩公仔好呢, 最好同兔仔有關啦! Petter Rabbit? 太貴啦, 又好似唔係太靚.... Miffy? 都唔錯, 但係要再去kwun tong搵人做衫....

有一日行過金都, 人群中離遠望到一對永遠都笑得好開心著住禮服的兔仔.... 我地立刻走上前, 個伯伯拎左落黎比我地睇, 原來是版Disney Ms Bunny, 入左電芯之後仲會跳架! 伯伯話前前後後入左幾對, 唔會再入啦! 我地睇緊個時有其他人都係旁邊望望下.... 我地即刻要左佢, 驚比人買左呀! 雖然對公仔無咩特別, 套禮服又唔係最靚, 不過一見到佢地笑到合不攏咀個樣我就好開心啦! 最緊要自己鍾意呀! 最少我到現在都未見過有人同我一樣呀! 連Mr. Tsang都話靚呀! 哈哈哈!

雖然並不是我想要的黑色加紅玫瑰襯底, 但最後這個效果我很喜歡呀!

婚禮 - 晚裝

至於晚裝方面, 我都係現代經典租, 睇相是比這條最愛的深紫吸引著, 雖然係最平的系列, 但卻令我一見鍾情, 最後因為我選左條貴的婚紗, Debbie free左呢條晚裝比我

另一條係fashion show到睇中, 前短後長, 想show下長腿, 呵呵! 不過最後都無要到, 因為都係紫色, 想試下其他colour

第三條hold左的晚裝係淺啡a-line款, 我到final時連試都無試, 所以無影到相...

跟住以下幾條都係我係衫架上先睇colour, 再睇最特別的就試上身....

第一條都係我最愛的紫色, 睇落去好似紙造, 不過都係第一次hold 個條靚d, 所以無要到

粉紅色唔係我杯茶, 但係個下身好靚, 好有公主feel, 不過佢地唔係咁鍾意v領, 所以無要到

呢一條著上身好fit呀! 想要條無咁大件敬茶用岩晒啦!

試多條紅色扮下成熟,  唔得呀! 好唔似我呀!

比佢隻銀色吸引住, 好有cyber feel, 加上玫瑰花, 岩晒我口味

其實呢條都唔差呀! 隻色好靚, 不過佢地唔鍾意高低胸, 都係公主型岩我性格d

起初hold起的只有婚紗同紫綠晚裝係我最愛, 好怕再試唔到岩自己的, final個日我又好彩憑自己眼光係衫架到行左個round就搵到, 仲要著上身都ok

席前同honey影相用

敬酒衫, 襯金器好靚呀!

席前同guest影相同送客

婚禮 - 婚紗

上網見有些準新娘會好勤力走訪各大小婚紗店, 四出搜羅不同的婚紗晚裝相... 相比之下, 我好懶呀! 只係會展睇過一間好平, 好多網友都有租過, 二千多元就有六套衫, 但一上到鋪, 我地就覺得d衫好舊呀, 試都唔想試啦! `所以有時人地覺得好的都未必適合自己...

買了一本婚紗雜誌, 大多數是A-line款式, 但對於我來說未免有點兒成熟, 我都是比較喜歡公主feel, 大大件的... 再和男朋友看了一次會展fashion show, 雖然價錢是幾倍, 但還是大公司款式好些... join 現代經典影相時順便比deposit租埋衫, 到時試過幾件唔岩心水可以轉落影相用...

其實租衫有兩個plan, 最平是M-Class, 多少少款就係C-Class... 一開始Debbie(sales mgr)幾條M-Class的我睇, 都係d 好簡單的款, 我試都無試, 我想要裙尾多少少立體同花, 佢就比左C-Class我試, 但總是差少少... 後來我叫Debbie比條fashion show我試, 我一出黎我個妹就"嘩, 好靚呀" 當然靚啦, 唔係M-Class, 都唔係C-Class, 係再高一級, 無相睇的E-Class!

真係好靚, 好有宮廷feel...

之後Debbie再拎多一條比我睇, 有好多水晶, cute d架, 仲係粗吊帶 (是我想要的呢) 一著出黎, 我個妹又"嘩"啦, 閃爆呀!

後面條繩係用黎交叉整蝴蝶結, 拖尾好靚呀, 有晒釘工

到大日子前三個月Debiie再比多條E-Class我試, 有好大個玫瑰花, d 質感望落去好似紙造咁架!

到最後因為有一條的晚裝都係類似的立體, 所以無要到啦!

這條水晶婚紗ok嗎? 我好好好鍾意呀!

婚禮 - 裙褂

一訂左酒席第一件租的衫就係裙褂啦! 聽人講話多數會去上海街個幾間租, 但我行過元朗鴻運試左三款褂, 由最普通開始試, 最後都係要左"水晶石榴水波" $1680!

婚禮 - 花球篇

一開始時對花球的花種同形狀都沒有意見, 後來上esdlife知道要因應當時的天氣適合哪一種花, 而款式主要有拖尾或者係法式腳... 還有大日子時新娘子最好用真花同埋唔可以自己整花球, 唔好意頭架... 而影婚紗相用的時間則比較少, 用絲花的效果也不錯!

決定左大日子用真花, 影相用絲花之後, 就要想一下訂邊種花啦! 睇左十多廿款的相, 正所謂花多眼亂呀... 再仔細想了一會, 覺得何必咁麻煩, 用自己最愛的花 - 紅玫瑰花就ok啦! 不過我又唔想大日子同婚紗相用同一款式, 所以影相就用我最愛的紫色為主題啦!

跟住落黎就係去邊度訂啦? 上網search左幾個freelance的, 再比較一下感覺, 最後選擇了alicewedding, 第一次係mtr交收, 一手交貨一手交錢, 唔怕比左訂無左影! 加上同過alice傾電話感覺佢好有交帶, 好放心啦!

早兩個月前我就已經訂定agnes b花球啦, 煩少樣野, 佢地仲會比多5支比我做頭花

婚紗相用絲花花球@alicewedding

當日花球@agnes b