BuNNy & KiSSes: 我想‧晴晴

顯示具有 我想‧晴晴 標籤的文章。顯示所有文章

2013年8月15日星期四

晴晴走了

我以為八號風球之下全家係間屋到好安全但偏偏落左波毫無先兆的兩小時前晴晴叫了兩聲就走了。。。。。

2013年8月2日星期五

2013年4月4日星期四

Ching Ching BB, Happy 7th Birthday

2012年4月4日星期三

My lovely Chingching's 6th birthday

2011年4月4日星期一

Happy 5th birthday to my lovely Ching Ching

2008年11月17日星期一

TOMY JAZZ vs 晴晴

呠呠.....

晴晴: 咩黎架? 食唔食得架呢? 阻住我屋企門口!

晴晴: 佢走開左!

晴晴: 等我出去睇下咩事先!

晴晴: 食唔食得架? 無味? 係未第二隻兔呀?

晴晴: 唔食得GE =.= 搵下有無野好食先

晴晴: 又見到你啦

部JAZZ突然走開, 嚇親晴晴

晴晴: 唔好埋黎呀! 枱底係我地盤, 我唔客氣架!

2008年9月1日星期一

病病病

晴晴: 媽媽, 我食左藥, 打左針, 好眼瞓呀, 我唔得閒擺POST呀!

晴晴個咀又爛啦, 所以就BOOK左星期六入大圍睇醫生....

六,七月晴晴咀仔爛打左3-4次針, 我八月打左四次針....

OH MY GOD! 我地幾時好番呀! 好唔開心呀!

2008年6月29日星期日

晴晴發脾氣

已經是連續第三個星期六出大圍睇醫生打針啦! 一早起身見到晴晴變左個波波咁坐係籠角, 好唔開心呀! 捉左佢出黎睇醫生

加上回程時晴晴爸爸行錯路, 車左我地去元朗, 繞左個大圈先到屋企... 晴晴BB第一時間躲入SOFA底, 唔肯出黎, 又唔食糧, 唔食草

又唔知佢咩事, 叫佢都有反應, 又行得又走得, 係唔食野! 好擔心呀! 一直等到凌晨四點, 晴晴BB先走出黎, 我地唔敢騷擾佢, 等佢入左籠先關門, 佢終於飲水啦! 我地都有得瞓啦~

到第二朝先身, D糧草都食晒啦! 嚇得我呀!

以前佢一有糧就會第一時間食晒, 而家就慢慢先食 (好過無食)...

睇下BB個樣, 幾累!

2008年6月16日星期一

可憐的晴晴

這幾個星期晴晴個咀角又爛啦, 已經斷斷續續時好時壞一年啦, 近期好似嚴重左, 所以晴晴爸爸book左星期日去大圍睇靚醫生呀!

醫生首先幫晴晴做個簡單的body check, 檢查左牙仔都okay, 但係一磅就只有1.54kg, 比同齡輕左100g呀! 好瘦呀!

再睇下咀角, 醫生話這種情況唔常見, 唔知道原因, 拎左組織去種菌, 想知係普通感染, 還是有真菌, 先可以用藥... 而家可以做就係先打盤地西淋針, 之後要5日打一次, total打5支... 因為晴晴傷口有結痂, 醫生再用藥消毒傷口... 鳴...

晴晴好痛呀, 佢好大力咁縮左兩次...

呢個動作我地早晚都要幫佢做一次....弊, 好有難度呀!

另外仲要餵藥, 早晚一次, 每次0.62ml, 14日藥...

我地都係張d藥滴落糧度呃佢食, 好彩晴晴為食, 覺得藥有d味, 但係過一陣都係忍唔住食晒... 乖女啦! 媽媽錫晒你呀!

埋單盛為$1,019.3

晴晴毛好長, 長到眼仔都睇唔到, 為左影婚紗相, 所以一直都未同佢去剪毛, 今日出開黎就順便同佢去剪埋毛...今次個staff剪得無上次咁好, 唔係好靚, 好在無剪個頭仔, 如果唔係唔知會變左咩樣... 剪完毛的晴晴細隻左好多呀! 陰功, 仲咩你咁瘦架, 見到佢咁我都有少少心痛呀!

等到六點幾七點先番到屋企, 晴晴第一時間躲入梳化底, 好耐都唔出黎... 隻傻晴晴好多個鐘無食野無飲水, 又無大小便啦! 我地都唔騷擾佢, 我地幫晴晴汁乾淨個籠, 放好食物等佢自己出黎...

晴晴出黎啦, 佢食野啦, 呀! 晴晴好瘦呀你... 食多d啦...

跟住我忍唔住捉左佢黎抱, 佢腳仔震震, 我就攬實佢比多少少安全感, 佢先定d... 之後我仲坐係梳化度, 佢就走, 但係佢無跳開, 只係伏係我身邊, 我用手模住佢個頭仔, 拉佢埋d黎, 佢又好聽話咁坐埋d...
我感到平時好似好大隻的晴晴一下子變得好弱小... 好心痛呀!

趣事: 今日係晴晴爸爸第一次開車出大圍, 去個程都好快, 但係番黎個程就唔知點解行左尖山隧道, 比多左$3隧道費... 不過晴晴BB仲要再覆診, 下次試下另一條路先

晴晴: 爸爸你小心呀!

2008年6月4日星期三

~2nd Anniversary~

兩年前的今日下著大雨, 我緊抱著晴晴從旺角金魚街走出來, 南南就撐著雨傘護著我們

回到家, 晴晴BB好可愛呀! 一D都唔陌生

睇佢瞓得幾甜

兩年後, 仲細過我隻手的晴晴已經大到我隻手都包唔晒佢PAT PAT仔

晴晴, 啜~~~~

2008年4月5日星期六

健康晴晴

今日去左大圍睇dr tiger, 做左個詳細的body check, 哈哈.... 晴晴好健康呀, 牙仔無事wor, 又唔太肥, 又唔太瘦, 一個字 "fit" 呀!

2008年3月15日星期六

晴晴咀仔好番啦

本來book左今早睇dr peter lee, 但係又真係唔係好明點解要晴晴轉alfalfa hay, 加上晴晴咀角沒事啦, 所以就唔去睇住, 想遲些少時間book dr tiger, 順便問埋desex

2008年3月11日星期二

唔做手術住

岩岩同晴晴BB覆診, DR. PETER LEE同左晴晴CHECK左傷口, 發覺右咀角好左好多, 但左邊仍損, 叫我地星期六再睇... 因為如果做手術的話, 到時個咀仔會開得好大, 怕會整痛晴晴呀!

D藥膏其實都幾WORK, 但係好難BB塗係咀角呀!

我地又唔捨得大力捉佢, 唉.....

晴晴加油呀!

約左聽日10:30 係維多利亞診所見DR PETER LEE, 之後會放低晴晴, 下午就會做手術. UM.... 我好擔心呀! 我希望做完手術之後, 一齊都會向好發展

晴晴呀! 你加油呀! 我知你好叻女架, 你一定無事的! 唔使一年, 媽媽就可以日日都陪住你啦! 我望左呢日好耐啦, 我真係好想同你一齊住呀!

而家晴晴豬就係我隔離, 係咁食係咁食, 我估佢應該唔痛, 好似無咩事咁!

細個時, 每當我遇到難事, 我只會向著月亮哭訴心事.. 這已經是幾年前的事啦, 但昨晚我突然向著月亮祈禱, 希望它會保護晴晴BB, 不要搶走我的心肝寶貝!