簡單晚餐

自從開工之後, 我都嘗試日日都係屋企煮飯, 不過對於唔識煮的我, 由諗煮咩, 係邊度買到煮好成餐飯都用上很多時間... 想影相留念都無時間.... 經過個多星期practice, 終於掌握丁時間啦 上個星期五準備左兩味餸 - 蒜蜜豬扒&瑤柱荳苗

首先醃豬扒一小時

用熱水浸軟瑤柱

洗淨荳苗

完成啦!

蜜糖鷄翼蒜泥炒意大利粉

是日晚餐@ Jun 29 (Sun): 蜜糖鷄翼蒜泥炒意大利粉

前一陣子crabtree做promotion, 買了這樽蜜糖 星期日終於第一次開了它, 淺嘗了一口, 味道不錯, 做了個蜜糖鷄翼做晚餐... 再用蒜泥炒意大利粉... yummy

羊扒煙肉白汁意粉

星期日我晚餐, 整左我最愛的羊扒

悠長假期的手作仔

十二月放左個長假期, 簡簡單單整左我一直都好想整的蝦, 第一次焗蝦, 第一次炸薯條, yummy...

仲有第一次整酥皮, 拿破崙餅配custard醬, 唔錯啦, 話晒第一次

焗左一批cookies, 送比朋友仔做新年禮物, 小小心意啦!

不過.... 整左一大倫, d碗多到..... 唉..... 洗死我啦! 煮完要洗就一定架啦, 只不過未煮之前都要洗一盤積左一個星期的碗先慘... 有時洗完都唔想煮啦

長腳蟹烏冬

一向都鐘意食日本菜, 有一次一個人行吉之島買左盒味噌番屋企, 再加埋包珍藏長腳蟹 .... 以下就係我第一次自家製長腳蟹烏冬(味噌湯底) ..... yummy yummy! 可能我對味噌唔係咁熟, d 味都係差少少... ... 有待進步

開飯啦!

第一道上的菜係: 火腿雞柳釀竹笙

第二道係: 翠塘豆腐

是日甜品: 燕窩蛋塔(唏.... D 燕窩係邊呀? 唔覺有WOR #@&*#)

上海菜飯 & 粟米湯

南南病左啦! 唔知係未我傳左比佢! 等我將材料切絲等你容易D食啦... 有白菜仔, 火腿, 冬茹, 雞肉... 個賣相都還可以! 味道就.... I LIKE IT!


仲有仲有... 加左少少冬茹絲的粟米湯...  一人一大碗, 飽晒!!

比利時朱古力之利誘惑

朱古力味呀唔該...
每次吃雪糕我一定會選朱古力味, 不過自從我試過Haagen-Dazs 的Belgian chocolate我就愛上了它, 其他的朱古力都不能滿足我味蕾的慾望

以下這一盒是家庭裝雪糕, 你睇我.... 不消一會兒我就食到見底啦!!!

SEE... I AM ADDICTED TO IT! WARNING! WARING!

桂花酒釀丸子

就黎有得食啦, 浮左上面啦!

好味呀, 我第一次整, 得個2碗仔... 下個WEEK再整過先

回歸餐

第一次自己炸, OK啦不過鹹左少少

而LE款靈感自蔡瀾逛菜欄, 好味呀!

最後黎多個今朝整我TIRAMISU 加HAGEDAZ BELGIAN CHOCOLATE, 天氣好熱呀, 唔使一分鐘就係咁溶啦

情人節晚餐

其實唔一定要有d咩特別大餐, 只要兩個人一齊就已經好幸福
le個係我地第8個ge情人節餐: 鱈場蟹腳火鍋 + 牛油焗煙肉帶子

CHOYA UMESHU

http://www.falken.com.tw/choya/in_choya6.htm

豆瓣醬蝦仁拉麵

今日ge下午茶...

被遺棄的桂花糕

其實睇落都唔係好差姐..唔知點解我預左一人一件..放左成3日啦...但三番四請先推銷到一件...我盡量去整一d 岩大家口味ge甜品..想話帶d開心比身邊的人...但係...到最後都係自己一個食晒...
就好似我所做的每一件事都係為左家人同男朋友好...但有時佢地唔係好明我點諗..唔係咁體諒我...有d咩野唔開心都係自己一個躲埋床鋪裡面唔開心...我唔明白點解人地會唔領情...只不過係小小心意...我放左好多心機落去做架...  

Tiramisu

上星期日整左一個6"Tiramisu...可惜一時唔記得帶相機, 影唔到d 靚靚相... 今晚岩岩食完飯就忍唔住整番件...um... 再黎多件先... "足之"食左2大件..而家好飽tim...如果我日日咁食..未好快變肥婆