Happy Birthday to my MUM

今日係媽咪的舊曆生日, 佢最鍾意就係食CREAM CAKE, 所以我就算好忙未做晒野都照整左呢個CAKE比佢, 簡簡單單, 媽咪話好好食, 仲想一次過食晒TIM

Tidy up ur room, ur kitchen, ur desk & urself!

一日得個廿四小時, 但係我有好多野想做, 亦都有好多野要做...

因為下個月中係deadline, 所以我要ot, 連公司d job都要帶番黎做   係做緊job個時, 我又好想做自己野, 我想整蛋糕, 我想同晴晴玩, 我想行下街, 我想....  係我玩緊個時又會諗下我要汁下張枱, 汁下個廚房, 洗下個廁所, 汁下間房, 汁下間屋..... 總之就好多野做.....

我就係咁日日不停去安排自己d 時間, 幾時要做這, 幾時要做那...

不過當人地見到我玩緊個時又話我應該要汁呢樣汁個樣......

我打緊機個時又話我唔汁下間房, 汁房個時又話我唔汁左出面廳先.... 做緊job時又話我唔汁枱食飯.....

我知自己咩時間應該做d咩架, 唔好迫我啦, 我好大壓力....  比我停下, 可以嗎?

希望愈大失望愈大

7:15 a.m "啦..啦...啦...Good morning" 係呀, 佢每朝都同我講早晨架, 佢係邊個 未就係我個Pucca鬧鐘 不過今日我瞓過左時間, 弊! 8:05 a.m. 啦!

照下塊鏡, 吓, 做咩我隻眼有少少腫架, 尋晚好似有d事令我唔開心, 但係我又唔係好記得.... 諗下先...um... 尋晚傾完個電話有d唔開心, 好想喊, 但係又唔敢喊, 叫自己忘記左去瞓醒先算...

仲有2個星期就係我生日 (Oct 26), 個日係星期五, 就算星期六補祝都唔會差好遠, 唔知到時南南會點同我慶祝.... 點知佢尋日同我講27號公司有個function 就係去disneyland, 問我去唔去. 而咁岩我又係會今個星期六去, 咁未會去2次, 佢就話我唔去就係屋企同晴晴一齊....  我個一刻個心一沉...... 其實再去多次唔係問題我本身都好鍾意disney, 但係佢叫我留係屋企呢句先令我唔開心.... 我憧憬著生日那天又或者後一日會有d咩surprise, 不過未到都好surprise啦... 個一刻我好想喊, 不過想一想... 所有野都係我單方面想, 唔一定會發生... 或者生日個日會同我去慶祝呢, 第二日再去disneyland未仲開心, 同埋佢又唔使甩底....咁樣諗係未會開心d呀....um... 我就係咁忍住個滴眼淚到天光啦....

可能我太過渴望有一個浪漫的約會啦.... 我真係代入左童話故事, 以為王子會為公主安排一齊.... 所以話呢..我時時都提住自己希望愈大失望愈大 呀!

柳橙戚風蛋糕

第一次整的戚風蛋糕.. 亦都係第一次整橙味蛋糕 (南南要求整的)..發得好靚呀! 仲好好味tim呀, 一陣就食晒啦, 係我地星期六的晚餐!

本來係用橙汁, 但係我地懶落街買, 用左維他芒果橙汁代替...  隻碗裡面個d 係橙皮泥, 刨到我身水身汗先整都少少... 不過真係好香橙味....

嘩... 等我仲驚佢發唔起tim... 焗左十分鐘就發到咁啦... 火山爆發呀!!!.... 我已經將recipe的份量減半, 如果跟足黎做會變成點呢????

試下先.... um... 好軟熟呀!... 繼朱古力蛋糕同cheese cake之後, 又有另一樣手藝啦... 不過d 份量同outlook要再試多幾次先可以出得街!

CHOCOLATE CAKE

今次個cake焗得都唔錯, 不過始終都無第一次焗得咁高, 下次再努力先

加左朱古力coating 同橙做餡, 個樣就........ 好彩d味ok, 好濃朱古力味, 因為我用左72%的古古力...