澳門三日兩夜之旅

有些人會說澳門沒什麼好玩, 去一次就夠了! NO! NO! NO! 我反對! 澳門的旅遊業發展比較快, 每次去澳門都會有新的好去處, 還有"食"呀! 又平又好食... 馬介休, 咖哩蟹, 豬扒飽, 魚翅... 一見有假期, 我又會心思思想過大海, 唔係去賭, 係去食呀! 呵呵 (流口水中, 真失禮)


雖然每年的十月都忙於趕公司deadline, 不過亦正因為忙, 我總想著請假去hea, 仲有慶祝我生日呀 (其實係偷懶呀! huuh... 唔好話比人知呀) 今年本來已經book左wingon去langkawi, 假都請左, 怎知早一個星期才不成團 (報個時係成左架, 哼) 結果轉移去澳門玩三日啦~~~~ 


於是我和南南就急急走去書局買過本新的旅遊書, 因為舊的那本都好幾年前了. 其實今次是我倆第四次到澳門, 所以想找點新玩意~ 最後選了一本介紹各新落成的酒店和有蔡瀾(南南鍾意呀)美食的....


旅行的日期是10月15日(四)至10月17日(六), 由於星期五晚開始酒店房的價格會比較貴, 所以決定第一晚, 即星期四就住五星酒店, 第二晚就住平價的...
看過書上介紹酒店房間的圖, 我們喜歡星際酒店的現代簡單的佈置, 位置都OK, 就決定第一晚住這間, 而第二晚就會住對面的LEO.


出發前兩天, 一放工就相約市中心等, 趕在旅行社關門前booking. 走到中旅社, 一問之下full booking呀! 吓! 我們沒想過會無房, 又不是旺季, 一下子都來不及反應. 之後就隨便翻開旅遊書, 問了MGM, 萊斯的價錢... 跟著我們再去油麻地旅遊問, 但今次就先想定2nd choice 是漁人碼頭的萊斯, 有個企腳的浴缸. 入到去油麻地旅遊, 一如所料, 星際沒房了, 再問左萊斯OK... 但因為我一心想住星際, 有點失望, 突然伏在桌上, 說: 我好想住星際呀 (愁~)... 跟住個男仔(sales)就提議先比全數book萊斯, 然後第二日辦公時間試幫我們向星際追房.....


結果第二天差不多lunch時終於收到電話, yeah! 有得住星際啦! 好多謝個男仔呀!
而第二晚住宿, 南南有個同事個FD係LEO做呀! BOOK左啦!

十一個月啦~~

時過得好快呀, 已經結左婚十一個月啦~ 婚後都多左好多野做, 每一日都有唔同的事要做, 為的都是這個新家 不過都有開心的時間... 因為日日都可以同南南一齊, 日日都可以攬住一齊睇電視, 每個晚上, 就算我先睡, 都會感覺到他親了我一下, 第二朝又有morning kiss, 上車前又有goodbye kiss.....

工作之餘, 今年我地去左三次旅行  當然唔少得就係一月的蜜月旅行 - 澳洲,  之後十月去了三日兩夜澳門, 還有十一月的沖繩之旅呀!

希望趁這個月比較悠閒, 可以post旅行的相 ~~

找一個對自己有要求的人

理想伴侶應該是一個對自己無論是外在和內在都有要求的人!

先說外在美, 不是指樣子要長得如何俊俏秀麗, 而是要保持個人的整齊乾淨... 最起碼要定時修剪頭髮, 要有充足的睡眠, 不要整天掛著一雙熊貓眼, 垂頭喪氣的樣子....  還有合時稱身的衣著都會令你加多一點印象分呢!

試想想, 當你花了一些時間悉心打扮, 另一半卻衣衫不整, 蓬頭垢面出現你面前, 那一刻什麼的雅興都跑掉了... 要知道適當的打扮代表著對對方的尊重和基本的禮貌啊!

至於內在美, 當然是學術修養... 不斷的更新知識, 緊貼著社會潮流, 為自己增值, 改善生活模式... 你能容忍住在滿屋雜物, 亂得像垃圾堆中的日子嗎?

相片包裝女工

過左半年啦, 岩岩先晒左大部份的相, 星期六晚分相分左好耐呀, 昨天我就再用A4紙print上賓客的名再加上wedding logo, 再逐一包好... 雖然好似好無聊, 但係整好之後好有滿足感

SKIN79 BB CREAM MINIATURE SET II

今日突然傷風, LUNCH TIME走左去MANNINGS買藥, 點知見到有SKIN79 BB CREAM 5g 迷你版, 一盒4支, 都係$99.9... 咁平就買左一盒試下啦...

BB CREAM MINIATURE SET II:

SUPER+ BB

SUPER+ BB TRIPLE FUNCTION

DIAMOND COLLECTION: THE PRESTIGE BB

DIAMOND COLLECTION: LUMINOUS PEARL BB

等我聽日試下DIAMOND BB先, 用完再報告

UPDATED ON 19/09/09

其實用左幾個星期, BB CREAM只不過是有潤色的面霜罷了, 不見得如它所的厲害... 我反而覺得SOFINA BASE更好推, 更自然..