蜜糖鷄翼蒜泥炒意大利粉

是日晚餐@ Jun 29 (Sun): 蜜糖鷄翼蒜泥炒意大利粉

前一陣子crabtree做promotion, 買了這樽蜜糖 星期日終於第一次開了它, 淺嘗了一口, 味道不錯, 做了個蜜糖鷄翼做晚餐... 再用蒜泥炒意大利粉... yummy

晴晴發脾氣

已經是連續第三個星期六出大圍睇醫生打針啦! 一早起身見到晴晴變左個波波咁坐係籠角, 好唔開心呀! 捉左佢出黎睇醫生  加上回程時晴晴爸爸行錯路, 車左我地去元朗, 繞左個大圈先到屋企... 晴晴BB第一時間躲入SOFA底, 唔肯出黎, 又唔食糧, 唔食草  又唔知佢咩事, 叫佢都有反應, 又行得又走得, 係唔食野! 好擔心呀! 一直等到凌晨四點, 晴晴BB先走出黎, 我地唔敢騷擾佢, 等佢入左籠先關門, 佢終於飲水啦! 我地都有得瞓啦~

到第二朝先身, D糧草都食晒啦! 嚇得我呀!

以前佢一有糧就會第一時間食晒, 而家就慢慢先食 (好過無食)...

睇下BB個樣, 幾累!

出血記@現代經典

好累呀! 由三點半開始坐到九點半, 睇左214張相....

debbie (現代經典sales manager) 已經幫我排好相, 一個境一set, 再分雙人同單人, 等我地易睇d, 仲問左南南話要d相做相版 (哈哈原來係真架, 唔係發夢)

好啦睇相先, 一開始我地張張都話要, 214張out到得123張, 但係個package係70張, 第2 round, out多50張, 結果係要左92張...但真係好靚呀! 單人個D我好鍾意呀!

之後加大油畫架, 加多一本大相簿, 仲有其他大相, 簽名冊.....

到最後總數係二萬五呀!

cd要兩個月後先有呀! 好心急呀!

婚紗相版@現代經典

今日四點幾係公司做到好累, 瞓左一陣, 醒番聽左個電話

DEBBIE: 我係現代經典DEBBIE呀... 啊..你瞓緊覺呀?

我: 唔係呀..  (未清醒) 做野做到好悶之MA...

DEBBIE: 我前幾日上葵芳開會, 睇左少少你D相, 好靚呀! 隻兔仔好可愛呀! 可唔可以借比我地公司做相版呀?

我: 吓...我未睇過D相呀... 好靚咩

DEBBIE: 係呀....

之後我地又傾左一陣.... 成個人醒晒....真係好靚MA

到現在我都仲諗緊係未我發夢呢? 但係CHECK過來電我係有聽過電話呀! 好期待星期六睇相呀! 

男朋友仲話借佢做相版都得, 係未我地D相唔使錢或者平多D, 哈哈

重遇上你

昨天吃過晚飯後就開著電腦, MSN一閃一閃, 一看, 啊! 竟給我重遇上"他"

"他"就是我以前玩online game古龍群俠傳時的老公仔... 呵呵 ... 好老套呀! 點解會叫老公仔架... 因為以前的online game好鍾意加結婚系統, 好鬼真架, 又要派帖, 又要打某種道具先可以在大些客棧擺酒, 還要一大班人同一時間online先可以見證...

睇我個樣都知我並不是打這種game的人, 只因當時男朋友有多個account比左我玩我先玩下...男朋友未放工, 自己一個周圍行, 可能用女仔玩, 一定會有高level男玩家自動幫你擋怪升level, 但有時都會比衰人欺負...

有一日我比另一個高level的男玩家欺負時, 更高level的"他"路過, 自此之後就有他保護我, 帶我識左好多新朋友, 佢地仲叫我做阿嫂  ... 其後, 古龍新增了結婚系統, 在其他玩家推波助瀾下, "他"在公開頻道洗板向我求婚.. 我估不到"他"敢這樣做... 我也應承了...

雖然大家都知道是假的, 但都幾浪漫架...幾有面架, 咁多人面前示愛WOR...(D人仲以為我地真係識, 其實都係普通朋友) 我地仲擺左好多圍...

一眨眼, 原來已經是四年前的事, 我地傾左一陣, 感覺仍像老朋友... 縱使以前以老公老婆相稱(現實生活當然不會啦), 但我們沒有那些肉麻的說話, 只是像老朋友般互相鼓勵傾訴...

能從這麼大的網絡世界中相識碰上是一種緣份, 我會好好珍惜這種男女間純友誼的關係...

可憐的晴晴

這幾個星期晴晴個咀角又爛啦, 已經斷斷續續時好時壞一年啦, 近期好似嚴重左, 所以晴晴爸爸book左星期日去大圍睇靚醫生呀!

醫生首先幫晴晴做個簡單的body check, 檢查左牙仔都okay, 但係一磅就只有1.54kg, 比同齡輕左100g呀! 好瘦呀!  再睇下咀角, 醫生話這種情況唔常見, 唔知道原因, 拎左組織去種菌, 想知係普通感染, 還是有真菌, 先可以用藥... 而家可以做就係先打盤地西淋針, 之後要5日打一次, total打5支... 因為晴晴傷口有結痂, 醫生再用藥消毒傷口... 鳴... 晴晴好痛呀, 佢好大力咁縮左兩次...

呢個動作我地早晚都要幫佢做一次....弊, 好有難度呀!

另外仲要餵藥, 早晚一次, 每次0.62ml, 14日藥...

我地都係張d藥滴落糧度呃佢食, 好彩晴晴為食, 覺得藥有d味, 但係過一陣都係忍唔住食晒... 乖女啦! 媽媽錫晒你呀!

埋單盛為$1,019.3

晴晴毛好長, 長到眼仔都睇唔到, 為左影婚紗相, 所以一直都未同佢去剪毛, 今日出開黎就順便同佢去剪埋毛...今次個staff剪得無上次咁好, 唔係好靚, 好在無剪個頭仔, 如果唔係唔知會變左咩樣... 剪完毛的晴晴細隻左好多呀! 陰功, 仲咩你咁瘦架, 見到佢咁我都有少少心痛呀!

等到六點幾七點先番到屋企, 晴晴第一時間躲入梳化底, 好耐都唔出黎... 隻傻晴晴好多個鐘無食野無飲水, 又無大小便啦! 我地都唔騷擾佢, 我地幫晴晴汁乾淨個籠, 放好食物等佢自己出黎...

晴晴出黎啦, 佢食野啦, 呀! 晴晴好瘦呀你... 食多d啦...

跟住我忍唔住捉左佢黎抱, 佢腳仔震震, 我就攬實佢比多少少安全感, 佢先定d... 之後我仲坐係梳化度, 佢就走, 但係佢無跳開, 只係伏係我身邊, 我用手模住佢個頭仔, 拉佢埋d黎, 佢又好聽話咁坐埋d...
我感到平時好似好大隻的晴晴一下子變得好弱小... 好心痛呀!

趣事: 今日係晴晴爸爸第一次開車出大圍, 去個程都好快, 但係番黎個程就唔知點解行左尖山隧道, 比多左$3隧道費... 不過晴晴BB仲要再覆診, 下次試下另一條路先

晴晴: 爸爸你小心呀!

我表姐夫係日本人

六月十四日 星期六

差不多五點半才起床, 用了個多小時油了花甲, 化左少少smoky eyes就趕出去旺角

因為今日係我表姐擺酒, 我地大家族又多了兩個新成員... 點解係兩個 一個係表姐夫, 另一個就係表姐肚裡面的BB... 其實我地大部份人都係第一次見表姐夫, 係一個日本人... 起初我同阿妹都估日本人多數都唔高, 但係我表姐有5'8以上架.... 表姐的眼光都都唔差, 表姐夫都幾型 高過我表姐 佢唔識中文, 我地又唔識日文, 唯有用簡單英文溝通... 我d舅父姨媽姑姐連英文都唔識就手語, 同埋唔理做咩都 "係, 係"... 哈哈哈, 笑死我地啦!

其實我表姐係六月頭已經去左峇里島註冊, 遲些時間會去日本擺酒, 而香港方面只係係囍臨門大家食下飯...

CONGRAUDATION TO MRS上野

悠閒的星期三

六月十一日星期三係我地拍拖九週年紀念  原本我想自己煮晚餐, 焗蛋糕, 但係影完婚紗相之後就好累都未休息夠, 又無咩idea, 唔知整咩好.... 點知一起身, 啊! 仲咩出面落咁大雨架, 第一時間走出去開電視睇下係唔係黑雨, 唔使番... oh! 失望呀, 只係得個雷暴... 因為我太累啦, 我又走番上床, 再瞓過... 係呀! 我sick leave呀!

十一點多, 起身過去睇doctor, 佢話我感冒, 又比左眼藥水我滴, 應該係敏感, 沒有發炎... 睇完醫生番到屋企都係一點多, 食左次藥好似無咩事, 打比阿媽叫左佢出黎行街街...

我有好多野想買呀, 平時南南都唔係點同我行街, 加上籌備結婚的事天加少行街... 難得放自己一天假, 天氣又好, 商場又唔多人, 就黎個大shopping啦!

其中一樣要買的就係指甲油for big day 當日用...我知有好多新娘子都會選擇出去整甲, 而我的朋友都有叫我出去比人整, 唔使自己煩... 我都曾經係網上search過整甲的資料, 有d款都ok, 但係又要book時間, 我又未必前一日得閒, 所以pre-wedding photo都係我自己油甲再加sticker... 不過我平時多數都係油深色多, 粉紅色好少, 一隻恰到好處的粉紅色我暫時未搵到, 又要唔太深色, 又要影得出色, 兼夾岩膚色, 好難呀! 我試過幾隻brand的甲油, 覺得skin food都唔錯, 所以今次都買左一隻新色試下...  之後仲係sasa買左三張3D rubber sticker, 但買唔番用緊個隻櫻花款...希望到bd個日比我diy靚甲啦!

行過"why" 見到有個袋幾靚, 入去望下..上次同媽咪睇過d款都睇唔岩心水, 但係呢個又幾好睇呀, 上次好似唔覺, 一問之下先知原來係今年新出的... 媽咪睇左一圈, 行番出黎, 原來太貴啦...不過我睇佢個樣就知佢好鬼鍾意啦, 所以行番去又睇多次...正當媽咪諗緊要邊款, 有幾個太太都走入黎睇, 但係睇左個price走啦... 而最後我都買左送比我媽咪, 仲有10% off... 嘻嘻...平左百幾元...咁多年都無一個好好睇睇的袋, 難得你又鍾意我又鍾意, 送比你又有咩所謂, 反正都係簽card, 下個月先算啦! 我阿媽仲好鬼開心咁拎住個大紙袋繼續陪我行街..

之後我都係izzue買左一袋衫, 佢仲幫我re-new個vip, yeah! 講真呀! izzue d 衫貴左好多呀, 個時一條褲都係三百多, 而家就要四百五呀! 但係鬼叫佢d褲又岩我size, 十條就九條都係個度買, 我都係要繼續搵定有無代替品先...

見有時間我地又走左入周大福睇下龍鳳鈪, 憑自己第一眼的直覺, 就搵到一隻又大方, 又平, 仲要岩我size... 阿媽仲即刻買埋, yeah! 除此之外, 仲試左一輪龍鳳項鍊同珍珠鍊, 但係阿媽話唔好買住, 等遲d先...比左錢, 媽咪仲即刻張佢放左係新手袋入面, 攬住佢走人啦... 哈哈

嘩...望下隻錶, 七點啦...未買餸, 算啦, 今巴都係唔煮啦, 出街食啦! 等埋南南到, 第一時間唔係食飯, 而係買petter rabbit床鋪呀! 因為今日有discount呀, 都係六百幾, 本來想叫佢睇埋囍被, 但係佢望都唔望一眼... 唉!
之後我地去左別府食日本菜, 慶祝我地拍拖九週年紀念...
話就話慶祝, 但係我feel唔到佢有呢種感覺... 今個晚上我好眼瞓呀, 未夠十二點就熟睡了!

PRE WEDDING PHOTO第二天

上次因為落雨, 所以無影到外景.. 延期到今日...

七點起左身, 呀! 出面落雨呀! 不過睇真D個都仲叫做見到少少久違了藍天... 驟雨...應該好快會停.... 唔理啦... 洗面刷牙, 洗頭, 食麥皮, 再刷牙... 而要用的物品我尋日一早就整理好放左入大袋啦... 最後要拎的就係....晴晴呀! 無錯係我最可愛的晴晴BB...

出發LU......

係呢個時候, 又係新手上路啦! 本來我想同晴晴坐後座, 佢又話要我坐前面帶路... 咁我坐前啦, 佢又係度好多野講... (好煩呀! 坐前定坐後又一大輪道理, 你緊張還緊張, 唔好搵我黎發洩) 上到車又要我睇MAP, 點行出HIGHWAY... 我唔睇啦, 大佬呀, 我係度住左十幾年啦, 你都三年啦.... 唔使睇啦.... 之後出到葵芳, 佢同我講話睇左MAP佢決定要行左邊迴旋處第二個路口轉出再轉左.... 嘩! 好深呀... 迴旋處我唔識呀... 我只係識轉右, 搵條轉左再轉右直路行就算... 咁葵芳佢熟呀, 我唔出聲啦... 點知跟佢行法, 迴旋處都唔知係邊, 即改行我個條... 不過, 我好奇怪, 佢尋晚唔係睇左map好耐架咩, 點會搵條咁難行的路 早上唔係太多車, 好快就到左目的地, 係前面個露天場泊車, 但係我覺得係泊錯位, 因為個度好似係比大車泊... 佢又話唔係, 咁我費時再出聲啦...

唔理LU...拎野上去開始影相啦! 上到去, 晴晴好受歡迎呀, 個個都問係未狗仔... 化好個妝之後, 晴晴就唔係好耐煩... 出到花園, 放左佢出黎玩... 佢隻衰野好開心呀! 周圍跑, 好在個度有個女仔抱慣動物, 有佢照顧晴晴都安心D... 結果我地影左好多相, 好多都有晴晴份, 不過晴晴好多毛呀, 唔知影左出黎似咩呢?

六月廿一日就有相睇啦, 唔知靚唔靚? 不過我覺得今次影得無咁好, 唔知係未早同熱, 交唔足戲...

影完去車場拎車, 未走得住, 佢話要行幾條街去拎文件比人... 好低能呀! 有車唔用, 行幾條街... 時時都見人停低架車等人架啦... 點會無得泊車... 結果我同晴晴係車度等... 等左一陣個車場阿姐走過黎話我地泊左大車位... (我都話架啦... 又唔信我... 佢一向都認為佢叻, 我見識少) 好在個阿姐好人... (THX YOU) 等左半個HR, 佢先番黎, 唔知係未我開住冷氣等定架車無電, 開唔到車呀! 晴晴同我都好熱呀, 我就走左去附近大廈的風口位吹冷氣, 晴晴先無事.... 等左又半個鐘....好在個阿姐搵左人幫手過電, 開得啦! (THX 阿姐, 同個位人兄)

半個鐘後, 到屋企啦, 到三點半啦!

好累呀, 晴晴又累我又累...