尋晚同爸爸媽媽, 男朋友一齊係流今歲月食左餐飯, 之後仲行左陣街同睇左10:00pm埸ge反斗車王. 我好叻叻呀, 可以扮到咩事都無發生咁, 仲笑左成晚tim呀... 但係番到屋企, 沖完個涼.. 見到佢d面色唔多好... 我就自己帶埋晴晴入房準備瞓... 我坐係床邊對住晴晴話: 晴晴, 媽媽好唔開心呀.. 真係好唔開心呀..你可唔可以陪下我呀.. 我唔知自己幾時會離開間屋.. 你可唔可以過黎陪下我, 攬下我呀...
本來晴晴係食緊草架, 但係佢見到我流左好多眼淚, 就走左過黎用個鼻仔黎頂下我.. 我抱住佢喊...多謝你呀晴晴..我以為會得番我一個...原來我仲有你... 跟住晴晴就鍚左我一下... 佢望住我ge眼神好似真明我唔開心咁.. 我好累.. 我放番佢入籠.. 一直仲望住我瞓...
主人既情緒都可能會感染到寵物嫁 好似我咁, 雖然宜家無咗份工, 仲搵緊, 但又無聲氣, 日日都唔開心嫁, 但只要見到dodo開心, 我都會開心返d 而雖然我唔知你因乜事唔開心, 但都希望你快d雨過天晴啦!
回覆刪除我都好怕有一日晴晴會無左爸爸或者無左媽媽... 我會怪自己比唔到一個溫暖ge家比佢..
回覆刪除