尋日sick leave, 岩岩食左藥想話攬住晴晴豬瞓, 行過見到兔協宣傳單張就順便打個電話去問下下個月寄養仲有無位... 點知佢話得番一至兩個位,聖誕個期仲full埋tim... 我問可唔可以hold個位比我,我第二日黎填表都唔得,要落左$500訂先算數... 下...死啦...我等唔切第二日放工啦...
我就對住晴晴話(攬住晴晴豬): 晴晴,媽媽一定book到個靚位比你ge, 你放心係屋企食草啦!
晴晴(個樣好嗲): 我會乖乖架啦 >_<
之後我就用左十分鐘時間洗頭換衫化妝,再跑出去追車,幫晴晴霸番個位... 一上到去兔協就拿拿臨墳左張form,攞埋個$500出黎落訂..我比緊錢個時原來仲有一pair人係度填緊form,嘩..好彩姐,好彩你阿媽我行動夠快,唔係行慢d連最後個位都無埋都唔定... 我走個時仲望左一陣個度寄養中我的兔仔,佢地個樣都好悶下..到時唔知晴晴會係點呢? 唔知會唔會好掛住我地呢? 其實聽個agent講應該會係夜晚六點幾落機,兔協就收九點,如果可以的話我想即刻就接番我晴晴走啦.
請問個價錢如何?
回覆刪除先比$500留位,走個日會比番你,應該係怕d人會唔帶番走隻兔.. (我就連住多一日都唔放心啦,因為我好掛住晴晴)其後$45一日,佢地只係提供籠同草,其他野例如糧,水樽就連廁所都要自備.. 到時帶晴晴入camp個日實好多野帶啦,拎死爸爸啦.. 哈哈..因為我只係攬住晴晴就得啦..(奸笑!)
回覆刪除咁價錢都ok喎, thanks!
回覆刪除