唔該樓上關水喉呀!

差不多十點多用緊DHC CLEANSING OIL洗面中途...
呀.... 媽咪! 點解無水呀??
唔知呀, 打電話去管理處問下先... 水泵壞左, 搶修中....
過了十多分鐘, 終於有番水啦! YEAH! 可以洗白白啦, 為免意外發生 (沖沖下無水), 我張平時要花一小時的過程簡化為十五分鐘... 哈哈
我只不過斷水十多分鐘就已經覺得咁唔方便, 真難以想像舊式社會全家總動員拎住大大小小桶落街裝水幾辛苦... 我...一定挨唔到啦
如果斷電仲慘呀, 早幾年行雷, 攪到全村停電, 仲係大熱天時, 三十幾度, 無冷氣, 無風扇, 無電視, 無收音機, 無電腦, 一個字「悶」!
所以我地這一代都好幸福, 要珍惜現在所有!