現代經典PRE WEDDING PHOTO之第一天

為了今日第一次PRE-WEDDING PHOTO, 星期六同星期日我都瞓到太陽落山先起身, 好精神呀, 無左個黑眼圈, 昨晚仲FULL左個EYE MASK同油左指甲開埋冷氣先瞓

今日十點半起身, 精神都算唔錯, 不過.... ... 肚仔痛呀! 唔知點解AUNTIE M早左黎, 又要花多少少時間準備.... 刷牙洗臉洗頭, 再FULL多個水份MASK, 望下個鐘都十一點幾啦  昨晚早左瞓都未汁好野, 我仲要汁GIRDLE, 花球, 化妝品, 道具未拎呀! 南南佢連鞋都未擦, 仲係度整個結他..... 我見唔夠時間咁我叫佢落去買野上黎食啦... 佢唔肯, 我話我唔舒服呀, 仲有野未汁... 點知佢罵我時時都唔舒服 , 只係掛住汁自己野 大佬呀! 我都唔想架, 個個月都痛死... 我又要帶GIRDLE, 又要護膚, 又要帶比你玩的NDSL, 仲有糧水, 食完野仲要刷多次牙, 再塗多層水份精華等個妝貼D.... 一路做就一路痛, 又要保持開心, 喊左一滴眼淚都要吞番轉頭...我做咁多野都係為左靚靚, 我都唔明佢做咩發洩係我度.... 仲記得SALES比左張LIST比我係關於影相前的準備, 我樣樣都做足啦, 係其中一項做唔到, 就係兩個人要開開心心  之前又話係屋企試影下, 擺下POST, 又話會睇下人地D相學下D POST, 結果一樣都無做  去緊個時, 再問下佢意見, 想同佢溝通下, 佢的反應都係望第二度, 打呵欠 我想大家可以一齊討論下WEDDING 的事, 開開心心, 不過佢全程黑面, 我努力做好本份, 希望唔好影響影相情緒, 希望唔好肚太痛

終於遲到左半個鐘去到現代經典影樓, 個度D人好NICE, 化妝前去TOILET, 望住塊鏡話比自己知要開心, OK! 之後同個化妝師有講有笑! 本來今日有三個做型, 影三個境, 但係落雨呀! 空中花園要第日先補影過  影左足足六個鐘, 我仲好精靈呀! 一化好妝望住燈就咩都唔記得, 笑足六個鐘... 可能自己有影開相, 當平時影硬照咁影, 當個對手係男MODEL, 唔開心的事唔記得啦! 我都好佩服自己 你一定估唔到我喊過! 哈哈! 不過影完相, 做番自己, 開始又肚痛, 又頭暈.... 佢又黑面啦!

我開始覺得自己似做戲, 角色就係甜蜜的新娘子... 我體諒佢可能因為近排一D唔開心的事影響佢, 加上工作又累... 我開始習慣麻醉自己, 因為始終每個人的焦點都會落係新娘子身上, 無論幾唔開心係人前都係開心的.... 當然我希望到時佢都能投入WEDDING, 令大家眼神真的可以流露出幸福

P.S. 我要啦, 聽日仲要一個人出JOB見客