有邊個新手會識晒全香港路架..... 行多幾轉就知點行啦....
最後都係今日先拎, 我就suggest自己車, 唔使人帶, 因為我熟灣仔段路, 番左咁多年工仲唔識咩...
佢好緊張, 手又震晒, 又不停咁睇路.... 最衰就係對我黑面... 你自己緊張就好啦, 唔好以為自己好知我諗咩, 樣樣都以為.... 以為佢行錯又會話佢... 又係佢要我坐隔離, 要我提佢路, 佢無開十年車, 我提佢d step又話我話佢....佢學棍波... 我自動波... 佢竟然一隻腳brake, 一隻腳油門... 開車前問佢使唔使我講一次d function, 又唔理我, 結果佢一上車就開車, 安全帶又唔帶, 倒後鏡又唔set, 車速又快, 叫我睇路牌.... 我邊睇得到, 結果行錯左一小段.... 好在星期日, 無咩車, 好快到home, 要泊車啦... L位, sorry 我唔識呀, 我學S位架... 佢泊個時.... 唔係我落車睇住, 花左好耐啦....
其實我自己都知難, 佢都好叻架啦, 不過佢鍾意玩針對, 我提一句, 佢比成街的理由駁你... 我仲跟師傅學車, 都係從旁提下佢, 安全第一呀!
無計啦, 佢永遠都認為我咩都唔識, 佢係叻過我... 某些事上我知佢係叻架, 唔係我都唔要佢啦, 但係我的想法係, 有時我都知少少, 大家互補不足, 研究下仲好啦... 但係佢"以為" 我一定要認叻, 要自己岩... 佢一開始就否定左你先, 要踩住你上.... 唔識未叫你收聲lor... 所以我而家都費時理佢...
最抵死係, 行完灣仔條路對住你少少輕浮咁笑話, 出西隧係得一條路, 無第二條....
我一向都知, 你無問我, 當初仲要搵人車入黎, 吹脹!
呢d咪係男人囉﹗
回覆刪除