戰勝忠義街

8月6日 (星期三) 8號風球

原本約左師傅今日下午練下掉頭同泊位, 個8號風球一掛就掛左大半天... 唉! 無得學! 好彩我師傅好好人, 轉左三號風球之後佢就打比我, 約我第二日7點半到, 希望封路前比我學多一次..... 天啊! 7點半, 好早呀! 我未要6點起身?? 不過既然連師傅都咁緊張, 我無理由唔比心機架!

8月7日 (星期四) 間中有雨

6點正, 爸爸就準時叫醒我呢個懶瞓豬, 6點半就出門口啦! 起初我以為咁早唔有有好多人搭車, 事實卻剛剛相反, 連架巴士都坐滿人! 7點20分, 早左10分鐘到, 等左一陣師傅就車我同另一個一齊考的女仔出忠義街練多次...

因為昨日大雨關係, 其中一段路水浸, 有一架車死左火, 我地要繞道行, 師傅開行車, 8點到試場... 唔知係未比壓力自己, 我驚到震呀! 我試泊左兩次, 都唔得呀! 反而同行的女仔就泊得好靚... 之後夠鐘封路, 師傅就再車一次路線比我地睇... 結果趁時間早, 又無車, 又無咩人, 走左去報到, 我係第二個考.... 泊位有少少歪, 但係個阿sir比我pass, 到路試時, 車就無架, 我自己行晒, 正呀! 最後掉頭, 得左! yeah! 我有車牌啦!