狗竇

這個家可以用狗竇黎形容.. 我真係覺得要keep得間屋企企理理唔係一件易事, 仍都唔係一個人的事....    當你好好地花上不少時間整理好間屋之後, 如果屋裡面其他人不合作, 不消一會又會打回原形...

我試過用上一整天我時間清理飯桌, 茶几, 廚房, 廁所.... 一個星期後, 回到這間屋.... 飯桌擺滿新買的東西, 一入屋就放晒上去... 一個茶几唔夠仲要多個紙皮箱人做枱, 放晒飲品盒, 汽水罐, 用水電媒單做底當飯枱用....廁所鏡前放滿雜誌, 惹來"室"... 廚房煮食爐面有一滴滴汁凝固, 公仔面碎... 焗爐上放了一個又一個超市膠袋... 碗盤又有殘渣....

唉.... 試過一次又係咁, 兩次又係咁.... 好失望呀!  有時想要整個cake, 得...洗晒d碗, 清理好個爐頭, 汁過個廚房未整得lor....

忙, 累.... 係比自己的藉口, 平時注意下細節就會省下許多功夫....

不過, 無用啦, 屋主話佢唔mind wor, 哦.... 咁唔好mind lor... 你唔mind得啦, 我都唔會再汁啦... 你估我好鍾意呀! 不過覺得浪費左間屋....一間本來係自己第一間house竟然變左狗竇!

有車拎啦

本來可以昨天拎車, 但係一起身天黑黑, 雨水好大力打在窗上,  黑雨呀!, 我已經心想拎車太危險啦...   佢竟然仲無同我商量叫左車行搵人比$100車入黎, 原因係唔識路...

有邊個新手會識晒全香港路架..... 行多幾轉就知點行啦....

最後都係今日先拎, 我就suggest自己車, 唔使人帶, 因為我熟灣仔段路, 番左咁多年工仲唔識咩...

佢好緊張, 手又震晒, 又不停咁睇路.... 最衰就係對我黑面... 你自己緊張就好啦, 唔好以為自己好知我諗咩, 樣樣都以為.... 以為佢行錯又會話佢... 又係佢要我坐隔離, 要我提佢路, 佢無開十年車, 我提佢d step又話我話佢....佢學棍波... 我自動波... 佢竟然一隻腳brake, 一隻腳油門...  開車前問佢使唔使我講一次d function, 又唔理我, 結果佢一上車就開車, 安全帶又唔帶, 倒後鏡又唔set, 車速又快, 叫我睇路牌.... 我邊睇得到, 結果行錯左一小段.... 好在星期日, 無咩車, 好快到home, 要泊車啦... L位, sorry 我唔識呀, 我學S位架... 佢泊個時.... 唔係我落車睇住, 花左好耐啦....

其實我自己都知難, 佢都好叻架啦, 不過佢鍾意玩針對, 我提一句, 佢比成街的理由駁你...  我仲跟師傅學車, 都係從旁提下佢, 安全第一呀!

無計啦, 佢永遠都認為我咩都唔識, 佢係叻過我... 某些事上我知佢係叻架, 唔係我都唔要佢啦, 但係我的想法係, 有時我都知少少, 大家互補不足, 研究下仲好啦... 但係佢"以為" 我一定要認叻, 要自己岩... 佢一開始就否定左你先, 要踩住你上.... 唔識未叫你收聲lor... 所以我而家都費時理佢... 

最抵死係, 行完灣仔條路對住你少少輕浮咁笑話, 出西隧係得一條路, 無第二條....

我一向都知, 你無問我, 當初仲要搵人車入黎, 吹脹!

~2nd Anniversary~

兩年前的今日下著大雨, 我緊抱著晴晴從旺角金魚街走出來, 南南就撐著雨傘護著我們 回到家, 晴晴BB好可愛呀! 一D都唔陌生

睇佢瞓得幾甜

兩年後, 仲細過我隻手的晴晴已經大到我隻手都包唔晒佢PAT PAT仔

晴晴, 啜~~~~

Nominee Car Owner

經過幾個月時間搜尋, 終於搵到架岩心水的二手車啦! 尋日仲試左車, 落埋訂! 如無意外今個星期有車到手!

整體黎講部車都ok, 係唯獨是牌簿上面唔會見到我個名, 因為我未有牌呀! 其實呢部車都唔係我地的dream car, 只係買黎比自己練下手車, 過一兩年都會換車... 為左ncb, 我用左男朋友個名出車, 方便佢第日買架貴d車個時保險有得平...

就係咁我做左nominee car owner啦... 一個未有牌的車主呀!

走個時, 仲要係街道望到自己架車掛住個T牌行緊!  小心我架車呀!

512 關懷行動

剛剛在六月一日舉行的為四川地震災民籌款的512關懷行動完滿結束...

今次的善款數目是由我公司義務即場計算出來, 而捐款收據將會由我地同事發出, 唔知有無你份呢? 記得早幾年sars在大球場務捐我都有份做義工, 幫助監察點算現金, 那次點算的位置正正就在藝人休息室隔離, 所有artist到場都會經過我地門口, 所以我地都有機會近距離接觸artist, 甚至乎合照.... 雖然今次512我無去到, 但係聽番同事講不知是否因為今次可以用credit card過數, 所以廣大的市民都熱心捐輸, 弄得他們非常忙碌, 仲慘過平時加班....

那天晚上看著電視的直播, 我也深深感受到那種團結的精神, 希望四川的災民可以快些重建家園...

後記: 本來我想要一件大會的t-shirt, 但係原來只剩加大碼, 細中碼一早比人拎晒lu