好徬徨

 下個月中就影婚紗相啦, 點知原來有好多野要準備... 一D以為可以慢慢先做的都要提早買.... GIRDLE, 鞋, 男恤, 花球, 仲有介子呀! 同一時間先發現化妝同當日攝影好多出名的都比人HOLD左期, 點算呀? 望住個SCHEDULE都唔知點安排好, 又怕自己安排得唔好, 又怕佢話我排得密, 我個頭有好多問號, 咁問下佢啦....  點知  比佢罵左一輪  

我今日睇過下FORUM先知好多野都要預留多D時間訂野OR早少少HOLD期, 唔係我想咁急.... 我都係講聲佢知係咁, 想大家一齊PLAN下SCHEDULE.... 我真係唔想好似BOOK酒席咁無晒期, 搵唔到最想要的野, 話晒一生人一次呀! 我都係想PREPARE得好D, 想一齊去攪好個婚禮...  我一個人一雙手, 同一時間搵唔到咁多INFO... 如果兩個人一齊搵, GATHER晒D INFO 再去行SHOP, 個過程都SWEET架... 不過...我係心急有PLANNING的人, 佢就岩岩相反, 剎到埋身先理....

UM... 好想有個種SWEET SWEET感覺呀

婚禮 - 租衫篇

今日約左媽咪, 阿妹同南南去元朗睇衫... 聽人講薇薇都OK, 但係媽咪衫同伴娘衫都無咩特別, 之後去左睇感恩無盡, 上到去個SALES好好人, 難得佢地又搵到自己鍾意的衫, 所以就租左兩件啦, $1060 ...

而我呢, 行過鴻運試左三款褂, 最後決定租水晶石榴水波, $1680

哈哈, 咁就攪掂左一樣野啦, 好開心呀!

ctf2 - Thumper 頸飾

今日學完車行過ctf2, 發現出左walt disney系列全銀首飾, 其中有一條係thumper, 好cute呀! 仲要二百多就有啦, 再加上南南係VIP有10% off, 即買!

Avril Lavigne - Tomorrow

I like this song so much when i first got it... this really describes what i'm feeling right now... ppl ask me that do u love this guy? i said yes i do... they said then that's enough.. marry him... i said oh no... i think that i'm not ready

And now i would like to share this song with all u guys... Enjoy it

P.S. this also used to be my blog's background music

TOMORROW

And I wanna believe you,
When you tell me that it'll be ok,
Ya I try to believe you,
But I don't

When you say that it's gonna be,
It always turns out to be
a different way,
I try to believe you,
Not today, today, today, today, today...

[ Chorus: ]

I don't know how I'll feel,
tomorrow, tomorrow,
I don't know what to say,
tomorrow, tomorrow
Is a different day

It's always been up to you,
It's turning around,
It's up to me,
I'm gonna do what I have to do,
just don't

Gimme a little time,
Leave me alone a little while,
Maybe it's not too late,
not today, today, today, today, today...

[ Chorus: ]

I don't know how I'll feel,
tomorrow, tomorrow,
I don't know what to say,
tomorrow, tomorrow
Is a different day

Hey yeah yeah, hey yeah
yeah, and I know I'm
not ready,
Hey yeah yeah, hey yeah
yeah, maybe tomorrow

Hey yeah yeah, hey yeah
yeah, and I know I'm
not ready,
Hey yeah yeah, hey yeah
yeah, maybe tomorrow

And I wanna believe you,
When you tell me that it'll be ok,
Yeah I try to believe you,
Not today, today, today, today, today...

Tomorrow it may change [ 4x ]

婚禮籌備進度

經過一個月的時間, 終於開左個頭, 為2009年婚禮作一連串的準備:

日期  2009年1月10日

地點  灣仔皇潮匯

婚紗攝影  現代經典 (5月影)

租衫  現代經典 (4月試)

介子  PINK BOX (已訂)

餅咭  美心 聖安娜

之後會再睇下化妝, 當日攝影, 場地佈置..... 都唔知邊間好TIM

WEDDING EXPO

因為星期五個日拎到兩張FREE TICKETS, 所以我地今日又行多次EXPO, 睇下有無好野汁, 順便買埋餅咭, 聽人講話遲下又加價啦....  我地決定左買美心西餅比親戚, 聖安拿就送比朋友仔.... 星期五個日都唔使排隊架, 但係今日就排到出門口呀!  又話LAST DAY 買會平D, 都唔係架, 早知星期五買埋就唔使排啦

我地又睇左FASHION SHOW, D衫好靚呀! 因為之前都JOIN左現代經典租衫, 所以都影左少少相FOR REFERENCE

唔知我著得好唔好睇呢?

晴晴咀仔好番啦

本來book左今早睇dr peter lee, 但係又真係唔係好明點解要晴晴轉alfalfa hay, 加上晴晴咀角沒事啦, 所以就唔去睇住, 想遲些少時間book dr tiger, 順便問埋desex

MY BIG DAY

2月14日到今天3月14日, 剛好一個月的時間, 終於今日係wedding expo 訂左酒席啦!

MY BIG DAY 是2009年1月10日星期六

常聽人說要用上一年以上的時間籌備婚禮, 因為訂酒席特別是旺日是一件難事,  原來是真的! 由他說要結婚那天開始便不停的打電話問期, 好的場地都已經full晒啦! 德藝會, 大舞台, 尖沙咀的酒店都沒有期.... 我對酒樓沒有興趣, 但見皇上皇集團經營的酒樓都有那種歐陸的設計, 剛巧就在屋企附近, 我唯有退而求其次, 安慰自己... 另外我一直很想很想在花園證婚, 所以我們也hold左黃金海岸酒店的期...  我們擺的圍數不多, 只有15圍, 但黃金海岸最底消費要15萬, 即係要擺18圍先夠數, 我們便hold住個期希望expo降低min charge... 還有, disneyland, 由佢第一日話係香港可以舉行童話婚禮我就好恨啦! 不過好似都係min charge15萬... 

未去expo前, 我的想法是... 首選是disneyland, 因為我知貴, 但係唔知包咩, 如果可以我真係好想好想; 第二係黃金海岸酒店加花園, 我愛那種西式的證婚; 第三就係睇下有無其他酒店仲有期; 最後先係皇上皇...

去到expo, 第一時間唔係disneyland, 唔係黃金海岸, 唔係酒店, 而係皇上皇, 好消息灣仔同尖沙咀有期, 仲要唔使加10%..... 我男朋友好開心, 決定左皇上皇啦! 吓... 唔係行下仲有無其他choice咩? 去左問disneyland, 無期, 不過都聽下個plan, min charge 都係15萬, 但係15圍係夠數架, 比較上黎都ok, 因為會有晒wedding planner, 可以話係一次過做晒好多野, 唔使再出去搵... 點知佢話擺酒係做比人睇, 無人會記得... 雖然佢有話book disneyland, 但係佢個時黑晒面, 仲好大聲咁罵我... 我想左了一會, 我真的仍要一意孤行去disneyland嗎? 我真的是正如他所說為左面子而擺disneyland嗎? 我想了又想, 不是, 我由始至終都沒想過面子這回事, 我只覺得這個婚禮是屬於兩個人, 就算全世界沒有人會記得, 我仍會記得, 整個婚禮都會拍下來, 我就是那天的主角, 最靚的一天, 我要做一天的公主, 我不是要盛大的婚禮, 不要有很多的賓客, 只要有我和他, 爸爸媽媽, 公公婆婆就夠啦... 既然他肯book disneyland, 我不趕快抓緊機會嗎? 不, 欠了一個快樂王子呀, 就失去了那種sweet! 結果, 我們去book了皇上皇 =.=

落左訂之後, 一切都定了! 日期是2009年1月10日, 地點是灣仔皇潮匯...

之後我打電話話比阿媽聽係灣仔攏酒, 佢仲問都係同一間點解唔係屯門擺要去灣仔咁遠呀? 唉.... 好野都比人book晒啦, 有灣仔未汁到lor.... 我個刻勁想喊呀! 我親手放走左disneyland呀!  番到屋企我係廁所喊左好耐呀!

訂左酒席, 就去睇婚紗相, 本來佢話去深圳影架, 但係我知現代經典有得影南瓜車, 我愛到不得了, 阿妹仲聽到我晚晚發開口夢都叫住南瓜車. 同個sales傾左成個鐘, 終於都join左個package, 仲book左5月影, 好開心呀!

唔做手術住

岩岩同晴晴BB覆診, DR. PETER LEE同左晴晴CHECK左傷口, 發覺右咀角好左好多, 但左邊仍損, 叫我地星期六再睇... 因為如果做手術的話, 到時個咀仔會開得好大, 怕會整痛晴晴呀!

D藥膏其實都幾WORK, 但係好難BB塗係咀角呀!  我地又唔捨得大力捉佢, 唉.....

晴晴加油呀!

約左聽日10:30 係維多利亞診所見DR PETER LEE, 之後會放低晴晴, 下午就會做手術. UM.... 我好擔心呀! 我希望做完手術之後, 一齊都會向好發展

晴晴呀! 你加油呀! 我知你好叻女架, 你一定無事的! 唔使一年, 媽媽就可以日日都陪住你啦! 我望左呢日好耐啦, 我真係好想同你一齊住呀!

而家晴晴豬就係我隔離, 係咁食係咁食, 我估佢應該唔痛, 好似無咩事咁!

細個時, 每當我遇到難事, 我只會向著月亮哭訴心事.. 這已經是幾年前的事啦, 但昨晚我突然向著月亮祈禱, 希望它會保護晴晴BB, 不要搶走我的心肝寶貝!

晴晴要做手術

晴晴個咀仔爛得嚴重左, 所以book左今日去睇醫生.... 點知一check.... 發現另一個問題就係d 牙仔生得唔好, 尖左呀, 尖到口腔有少少流血... 嗚嗚嗚... book左星期三全身麻醉做手術呀! 晴晴呀! 你唔好嚇媽媽呀, 我唔嚇得架!

Our Weding Band

雖然定左婚期, 但到目前為止沒有一樣事情確實, 就連最基本酒席都未定好, 因為想係expo先book.... 咁為有睇下介子啦!

上個星期考完筆試同左南南行半島, 因為想去cartier試下婚介.... 但係..我隻手太瘦啦, 戴左上手自己都覺得唔係咁好睇, 加上都要過萬一隻, 所以都無要到... 再行tiffany都睇唔岩呀

今日學完車, 順便行下周大福個d大行,  都係同一個問題, 我戴唔到呀, 無款個d我又唔鍾意, 南南戴都唔到睇.... 當我諗緊點好呢, 行過Pink Box, 入埋去睇下啦... 我第一眼就睇中左一隻, 仲要係岩戴架! 哈哈... 開頭都介意唔係大行買, 但係我一戴左就好鍾意啦! 好似個sales話: 結婚介子要合自己眼緣  本來兩隻加埋要萬幾架, 不過折左都係九千多, 抵過cartier呀! 下個月就有得拎啦! 好想快d戴呀!

之後南南又陪左我其中一間樓上鋪配左眼鏡, 係白色架... 我都無諗過要白色, 但係又好似幾好睇wor... 下個星期有得拎啦! 期待呀!

第一次學車

筆試合格之後, 今日係我第一次坐司機位渣車, 驚就唔驚, 之不過.... 第一堂對於一個連油門, break, 手製, 轉波都一知半解的我唔係好掌握得到

停車要拉手製, 轉波, 打燈, 轉彎個時要減幾多速, 轉幾多軑? 好多野我一次過記唔晒, 做得唔係咁好呀!  我的思想距離比較長, 要比多少少時間我適應先得... 約左下星期六再學.... um... 有d失落, 我想我可以做好些

我的無良孤寒顧主

一間急速發展中擁有超過七十人以上的會計師樓, 老闆當然是一個精打細算的人, cut double pay, cut bonus, cut ot 錢, 屈你比late penalty, 基本文具欠奉, 電腦資源落後....

加上多條無聊規則, 一點前不准用微波爐 (聽講係叮叮聲嘈住老闆娘, 結果排隊叮飯等到一點半都未到), 過時不准掉垃圾入垃圾桶 (未到lunch已倒垃圾, 仲吸埋蓋tim), 不准上網下載盜版軟件 (公司用緊盜版account程式, 因為吝嗇, 不肯買夠license), smart casual friday 不可以穿波鞋和牛仔褲, 男同事要穿有領衫 .....

仲有, 文具要配給制(填form), 每次要以用完的筆芯換新的一支, 日常用的紙巾以前是去廁所拎, 拎得多可能被管理處發現, 收起了, 之後公司才每月每派一盒不知名的面紙.....

一句講晒, 好cheap呀!

筆試合格

等左個多月終於要去位於長沙灣政府合署二樓的運輸署考筆試. 不知是否太耐沒有考試, 加上只需要在二十分鐘內在二十題multiple choices答對十六題就pass, 合格率高達99.99%, 原本信心十足的我都有少少壓力... 不過幸好有南南請了一天假陪我考試, 就好像幼稚園生般, 他就坐在考試室外等我...哈哈....
終於開始考啦, 我當平時玩電腦game般, 用左兩分鐘就做完啦, double check埋都唔使十分鐘, 舉手示意離開出去等result (我好似係第一個走)... 成績係..合格, 五月頭就考路試!

另外當我一個人等result時都發生左一些不愉快的事... 這一次其實都係我第一次上運輸署, 一上到二樓, 就有兩個著制服的staff好有禮貌指示我們要到的地方等候... 不過, 服務的職員就極差啦! 一開始我就知道沒有人會叫咪, 所以我一考完就坐在第一行等叫名, 我起初以為是跟足指示要等十五分鐘先有結果, 所以沒有為意, 低下頭整理文件, 怎知一抬頭望向那個職員才知叫了我幾次.. 「啊.. 不好意思呀, 因為我有感冒, 耳有點塞, 聽得不大清楚」然後那個女職員繼續說了一大篇廢話(因為我本身已經不舒服, 頭有點暈眩, 我一個字也聽不入耳). 我也想合作, 但我找了一圈也不見玻璃窗上有透氣洞, 而她仍唸唸有詞般自說自話, 我只好望著她沒有反應. 「sorry 呀, 我聽唔到你講咩呀!」最後, 她才把身向前指著考試信和我對一次資料... 我以為是我的問題, 所以我沒有怪她....

但當我拿著成績單出來, 再和南南過隔離續牌時, 那個坐在好像是25號窗的後生女子態度都不見得好, 核對資料後她竟大力扔回南南身分證, 又是唸唸有詞般說了一堆話, 連南南都聽不清楚她說什麼...  甚至乎用咪叫人取件的19號窗職員都像是唸急口令般讀出所有名字, (李xx, xx東.... 請到十x號窗) 那些聽到似自己名字的人都不知該往哪裡..

沒有著制服職員真的要向著制服的大堂職員多多學習啦, 今時今日咁樣的服務態度真是不行, 還要是代表香港的政府部門, 真失禮!

婚後的生活會是...??

前幾天在公司吃著由爸爸每天清早準備的早餐, 才突然醒覺婚後停止供應   當知道要結婚時, 我想到的都是關於婚禮的事, 去邊度影相, 怎樣才能令自己做個靚靚新娘, 但卻從沒想過婚後的生活將會是一大轉變!

未婚妻, 陳太, 老婆... 這一類的字眼我還未意識到會用在我身上.  做了別人的太太, 人家的媳婦, 多了一班連名字也不記得的長輩, 我...不可以再像以前般我行我素 (至少要在人家面前)了, 無論我喜歡與否都要尊敬他們, 不是要扮好媳婦, 而是為了我老公的面子呀! 情緒波動的我婚後也會努力在他的親友前忍讓一下, 回家才向他撒嬌吧!

至於家務呢...洗衫煮飯掃地吸塵每個星期都會幫他做到一次半次, 但婚後會是我一個人做晒嗎? 我不是不想做, 只是我不是個挨得的人, 白天上班, 放工要趕在街市收市前買餸做飯, 一年三百六十五日, 年中無休, 他會幫我嗎? 我會自此變成黃臉婆嗎? 如果我做的不好, 他會嫌棄我嗎?

距離結婚的日子還有三百多天, 希望在這段日子裡我能為將來的一切有個心理準備, 迎接一個屬於我與他的新生活!