南非之旅2007 - 桌山

因為換一換旅遊巴, 掉左少少行程, 見雲霧散開左, 導遊就提議我地上桌山 (Table Mountain)  見唔見呀, 有座山係平頂架, 唔係比雲摭住呀, 佢本身就係咁架啦, 等陣我地就係會上山頂呀! wow! 出發啦!

開始上山啦, 轉呀轉呀!

好啦, 各位團友, 我地要係度停一停, 轉乘吊車上山...  嘩! 好靚呀! 係呢度望落去都咁靚啦, 上到去唔知係點架呢?

唔好睇少佢, 佢係一架會360度旋轉的吊車 (Cableway), 我地全團三十七人再加埋幾個外國人都係企得晒入去 全程六分鐘, 一開車不久就會開始轉, 唔係成架車轉呀, 只係我地企緊中間個位轉, 所以只要你企定定係正窗口位, 實有機會睇晒全個靚景 (我地張全個過程拍左video, 所以無影相)

上到山頂, 嘩, 好大風呀, 凍到震呀, 不過真係好靚, 我係雲層上面呀! 海(大西洋)同個天連埋一齊咁呀! 最可惜係時間唔岩, 影唔到日落, 曾經見過有blog友係桌山影日落, 好靚架!

呢個海灣亦因為桌山而被命名為桌灣!

行完桌山, 睇埋桌灣, 哈哈, 跟住我地仲住埋桌灣皇宮