我的家?

阿妹問: 你幾時搬過去呀? 我想裝修間房呀!

阿媽問: 你算唔算同居呀? 又唔結婚, 又過去住, 唔使錢有個老婆未好著數!
我瞪大隻眼: 吓? 我一個星期先去兩日睇下晴晴都叫同居呀? 結婚呢個問題你唔好問我, 你唔去問下佢?

阿爸問: 你幾時搬呀? 我想睇下點裝修間屋!

......你地想我點呀? 我控制唔到架! 唉... 好似比人趕走咁, 兩頭唔到岸, 係未真係要自己搬出黎住呢? 最抵死係尋日個客竟然問我條"靚"我嫁左未  仲咩個個都問我呢個問題架? 我好老咩? 使唔使我出份聲明: 我單身架, 短期內都未婚 (因為以我所知酒席訂到出年啦, 今年唔使諗啦)

終於明白點解以前成日聽人講話好怕被人催婚啦, 就算唔係自己想都被人迫到煩, 攪到我壓力好大!

總有呀, 我發覺我一唔開心一有壓力又或者觸碰到心裡面條疤都會心口痛, 透唔到氣!

RELAX!