南非之旅2007 - 鴕鳥園

食完鴕鳥肉, 離開餐廳之後, 本來要上桌山, 但係天氣唔係咁好, 個桌山比一大堆雲蓋住, 就掉一掉行程, 去左鴕鳥園餵下鴕鳥先  

d鴕鳥一見你伸隻手出黎就行埋黎啄食, 我就好驚佢地會食到我隻手

孔雀開屏呀! 個個都爭住影, 哈哈, 佢地好free架, 無野擋住佢地架! 佢個屏都開左好一會兒, 得啦得啦, 最靚係你啦, 你唔攰架咩??

除左孔雀, 仲有兩隻龜龜! 唔好走啦, 等我影埋先啦! (睇下我隻手要用幾大力先按得住佢)

哎呀! 好衰呀我! 岩岩食完佢地, 而家仲一個大pat pat坐落去tim... 導遊話唔好捉佢條頸, 如果唔係佢會向下收埋個頭, 咁摸佢個頭啦, 佢最鍾意架啦... 哈哈, 原來鴕鳥d頭髮好硬架!

唔知點解間souvenir shop入面會有其他動物的標本, 但係就無鴕鳥的標本 =.=

其實都唔係第一次睇鴕鳥, 上一次係馬來西亞見過, 不過我無騎, 因為個度d鴕鳥毛比人抆到甩甩地, 仲有少少血, 都唔想再騎啦!

小記: 聽導遊講我地個團騎完之後唔知係未又晒又累, 隻鴕鳥發脾氣, 有兩父女比佢攪到四腳朝天, 不過好彩最後都無咩事