南非之旅2007 - 開普頓

2007年12月15日星期六香港時間23:50乘坐南非航空準時起飛  全程大約十二個半小時, 而南非時間係比香港慢六小時, 所以到達南非時已經係當地清晨... 你睇下個天幾靚!

準備著陸啦, 約翰尼斯堡 (Johannesburg), 從高處望好似得平房耕地, 南非係未好窮架

為左方便我地會先轉內陸機到開普頓(Cape Town), 所以我地又飛啦! 個pat pat好累呀!

個天開始灰, 仲落雨, 呀, 仲愈落愈大, 變左滂沱大雨, 我好擔心呀!

兩個半鐘機之後, 你睇下, 個天幾藍!

食個早餐先, 係tuner三文治! yummy! 仲有塊chocolate cookies!

到左cape town - 一個歐洲人首選town, 曾經屬於英國的植民地, 究竟會點呢?

午餐: Mr Chan Chinese Restaurant - 特色就係鮑魚片同鴕鳥肉

話明係restaurant就當然係中餐啦, 唔太好又唔太差, 鮑魚同去飲一樣, 鴕鳥肉柳望落去同牛柳無分別, 食落甜甜地幾好味  反而最特別係間餐廳個名叫Mr Chan, 南南你幾時係南非開左鋪我唔知架 ??

食飽飽, 一出門口, 咩事呀, 仲咩我地架車咁架, 拍得衰得製插爆左! 要轉車! 咁黑仔, 又落雨又爛車, 會唔會唔好玩架?

等左唔係好耐就有車接我地走, 沿途我都影左唔少相, 我仲好期待點解歐洲人會咁鍾意CAPE TOWN?