南非之旅2007 - Pilanesberg National Park

太陽城周圍都係樹林, 點解? 因為距離迷城十多分鐘的車程就有一個國家的動物保護區 - Pilanesberg National Park比李斯堡野生動物保護區

係呢一日六點就起身, 我地會坐吉普車進入保護區同野生動物作近距離接觸, 好興奮呢

吹左幾個字風, 係真係好大風呀, 又凍又餓, 車突然停下, 哦, 睇下前面... 係鹿呀..唔係噃, 睇真d, 佢地個屁股有個"小"字架, 係岭羊呀!

係呢度, 動物係大晒架, 你睇下佢, 佢要過馬路呀, 我地就要停車啦!

再行多陣, 見到長頸鹿呀, 唔係一隻, 係一對呀! 好休閒呀!

原來南非唔係食我地平時個d咩走地雞, 佢地多數係食呢d 鵪鶉雞架!  咩係雞黎架, 我以為係孔雀

個朝我地仲睇到獅子, 河馬, 犀牛, 班馬, 角馬.... 不過有d太遠啦, 相機得個三倍zoom, 影唔到啦... 所以我都係用望遠鏡睇算啦, 而南南就用dv zoom近拍左少少...

最後一日去免稅店, 我一入去見到隻木雕長頸鹿, 即刻買左隻最大比自己, 都係百多元...